Solomon 7 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹ Mavọ awọ wẹn yovwi vwẹ evun rẹ isabato wẹn, E ovie rẹ emetẹ! Ekpoghowọ wẹn rọ epha riọriọ na ke họhọ ivie, iruo rẹ ọwena ruru.

² Uhohi wẹn pha riorio kerẹ uko re udi je evun rọye ẹkarọ. Evun wẹn pha meke meke, rẹ idodo riariẹ phihọ.

³ Ivie wẹn ive na e tọvi gọgọgọ agbava re orhua vwiẹri.

⁴ Ohọre wẹn ohẹrhẹ re eni. Ibiẹro wẹn nyavwaro kerẹ oku ri Heshbọn, rọ hẹ oma rẹ anurhoro ri Batrabbim. Unwe wẹn tọvi goi kerẹ ohẹrhẹ ri Lebanọn, rọ hirhe aro ku Damaskọs.

⁵ A vwẹ erhu rẹ ovie tughẹ uwe kerẹ Karmẹl, Ẹton wẹn rọ epha jigbọ na họhọ orhurhu; ẹton re ovie re muru oghuvwu re chahe ku.

Omavwerhe vẹ Okugbe rẹ Ọpha na vẹ Ọshare rẹ Ọpha na

⁶ Mavọ erhuvwu wẹn mu urinrin te, E ọvuọvo re me guọnọre na, ọmọtẹ vẹ erhuvwu!

⁷ Wọ tanre kerẹ oriẹ, ivie wẹn da họhẹ ephọhre ro yoro cha.

⁸ Me da ta nẹ mi yere oriẹ na rere me yọnre ihohi rọye. E jẹn ivie wẹn dia kerẹ ọnvwe re ọgọrọ rọ yoro cha, Ọnrhe re ẹnwẹ wẹn kerẹ ibi rẹ orhomrẹ,

⁹ Unu ẹfiọnfiọn wẹn cpha kerẹ udi ọvwevwerhe rọ djẹ ghwrọrọ kpọ obo evun, rọ ghwrọrọ wan ẹbẹrunu vẹ ibiako.

¹⁰ Mẹvwẹ ọ rọ re me guọnọre na, ẹguọnọ rọye ejobi mẹvwẹ o ji vwo kẹ

¹¹ yanrhe, ọ re me guọnọre na, yanrhe re kpo obo evun rẹ ikogbe, rere ewon phihọ evun rẹ ọko.

¹² Mọ ra vwẹ irhiọke ride kpo obo ogba rẹ vain se ivain na kpa ipho re, se ipho ri otie na vare se pomegranate na kpa ipho re. Oboyi mi de dje ẹguọnọ mẹ kẹ wẹ.

¹³ Orhomrẹ na re gbo ọnrhe vwevwerhe, emamọ ri siẹ urhuru vọn iwevwi re avwanre, te ekpokpọ te e rẹ awanre, ri mi phihọ oboyi hẹrhẹ owẹ, E ọ re me guọnọre na.