Nehemaya 10 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹ Ayen otu re vwẹ obọ nyẹ ọbe na da dia Nehimaya re osun na, ọmọ rẹ Nehemaya, Zedikaya,

² Seraya, Azaraya, Jerimaya,

³ Pashọ, Amaraya, Malkija,

⁴ Hatush, Shẹbamaya, Maluk,

⁵ Harim, Meremọt, Obadaya,

⁶ Daniẹl, Ọmetọn, Earọk,

⁷ Meshulam, Ahija, Mijamin,

⁸ Maazaya, Bilgal, Shemaya, enana irherẹn.

⁹ Kugbe ihwo ri Livae: Jeshua ọmọ rẹ Azanaya, Binui re ọmọ ri Hefiadad, Kadmiẹl,

¹⁰ kugbe imoni rayen, Shebanaya, Hodaya, Kelita, Pelaya, Hanan,

¹¹ Mika, Rehob, Hahsabaya,

¹² Zakọ, Sherebaya, Shebanaya,

¹³ Hodaya, Bani, Beninu.

¹⁴ Ehọnvwọre rẹ ihwo na: Parọsh, Pahatmoab, Elam, Zatu, Bani,

¹⁵ Bunni, Azgad, Bebai,

¹⁶ Adonija, Bigvai, Adiri,

¹⁷ Ata, Hẹzikaya, Azọ,

¹⁸ Idodoya, Rashum, Bezai,

¹⁹ Harif, Anatot, Nebai,

²⁰ Magpiash, Meshulam, Hẹza,

²¹ Meshezabẹl, Zadọk, Jadua,

²² Pelataya, Hanan, Anaiya,

²³ Hoshea, Hananaya, Hashob,

²⁴ Halohesh, Pilha, Shohẹk,

²⁵ Rehọm, Hashabna, Maaseiya,

²⁶ Ahia, Hanan, Anan,

²⁷ Maluk, Harim, Baana.

²⁸ Ihwo ri chekọ, irherẹn na, ihwo ri Livae, erhẹrẹchẹ, ibuine, idibo rẹ uwevwi rẹ Ọghẹnẹ, kugbe ihwo ejobi re hẹriẹ oma nẹ ihwo re otọ na fiki rẹ urhi rẹ Ọghẹnẹ, eya rayen, emọ rayen, emetẹ rayen, ihwo ejobi ri vwo ẹruọ kugbe ẹriẹn,

²⁹ de kuoma gbe imoni rayen, ihwo ride rayen, duvwu iyori nẹ ayen yan phihọ urhi rẹ Ọghẹnẹ rọ wan obọ ri Mosis odibo rẹ Ọghẹnẹ vwọ kẹ ayen, re ayen vwe ẹro te re ayen ru irhi re Ọrovwohwo Ọrovwavwanre ejobi kugbe iji kugbe ẹgha rọye.

³⁰ Avwanre reyọ emetẹ re avwanre ke ihwo rẹ otọ na eye jẹ reyọ emetẹ rayen kẹ emọ rẹ avwanre-e,

³¹ ọ da dianẹ ihwo rẹ otọ na ghwa ekuakua rhe she eyẹ ọka vwẹ ẹdidjala, avwanre de mie ayen vwẹ ẹdidjala na-a eyẹ vwẹ ẹdẹ ọfuanfo-on; avwanre kọrọ emamọ re ikpe righwrẹ-ẹ kugbe evwio rẹ osa kosa-a.

³² Avwanre je rhọvwe nẹ avwanre hwa akarha ri shekẹl kukpe kukpe fiki rẹ iruo rẹ uwevwi rẹ Ọghẹnẹ re avwanre:

³³ vwọ kẹ ikara ra vwọ nẹ, izobo rẹ ọka re kọke kọke, izobo re ẹtorhẹ kọke kọke, ẹdidjala, ọtuphro re emeranvwe, ẹdorẹ re bruru, emu efuanfon, izobo re umwemwu ra vwọ rhuẹrẹ, arhuẹrẹ fiki re Izrẹl, kugbe iruo re uwevwi rẹ Ọghẹnẹ rẹ avwanre.

³⁴ Avwanre ji mu itẹ, irherẹn na, ihwo ri Livae, kugbe ihwo na, fiki rẹ izobo rẹ irhe, re vwo mu ayen rhe uwevwi re Ọghẹnẹ re avwanre, kirobo re uwevwi re ese re avwanre epha, vwe ọke re bruphihọ, kukpe kukpe, rere e vwo koko erhanre phihọ agbada rẹ Ọrovwohwo Ọghẹnẹ rẹ avwanre, kirobo re siro phihọ evun rẹ urhi na.

³⁵ Je vwe iruo rẹ avwanre rere avwanre vwọ reyọ emamọ rẹ ẹsosuọ rẹ otọ rẹ avwanre rhe kugbe emamọ re ẹsosuọ rẹ irhe kurhe ejobi, kukpe kukpe, rhe uwevwi rẹ Ọrovwohwo;

³⁶ je reyọ rhe uwevwi rẹ Ọghẹnẹ re avwanre, irherẹn ri gbe idibo vwẹ uwevwi rẹ Ọghẹnẹ rẹ avwanre, ọmọkpakọ rẹ emeshare re avwanre kugbe uchuru rẹ avwanre, kirobo re siro phihọ evun rẹ urhi na, kugbe ọtuvwiẹ rẹ erhuẹn vẹ igode rẹ avwanre;

³⁷ wọ je reyọ eyagha rẹ ẹsosuọ rẹ ọka, kugbe arhọghọ rẹ avwanre, omamọ re urhe kurhe, udi kugbe evwri, rhe irherẹn na, vwẹ uvun rẹ uwevwi re Ọghẹnẹ rẹ avwanre, je reyọ ẹkẹnhwe re otọ re avwanre rhe ihwo ri Livae, kidie ihwo ri Livae ri toro ẹkẹnhwe vwe irho re aghwa re avwanre.

³⁸ Orherẹn na, ọmọ rẹ Erọn, vẹ ihwo ri Livae gbẹ toro ẹkẹnhwe na; ihwo ri Livae na ke eye rha reyọ ẹkẹnhwe ra jẹ nẹ ẹkẹnhwe na rhe uwevwi rẹ Ọghẹnẹ rẹ avwanre, rhe ivun na, te obọ erhu na.

³⁹ Kidie ihwo re Izrẹl kugbe emọ ri Livae ke rha cha reyọ arhọghọ re ọka, udi kugbe evwri rhe ivun na, asan re ekuakua rẹ ẹshẹ na hẹ epha, irherẹn ri gbe odibo na, kugbe erhẹrẹchẹ na kugbe ibuine na. Avwanre che ku aro fia ke uwevwi re Ọghẹnẹ re avwanre-e.