Aizaya 62 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹ Fiki ri Zayọn Mi se rhurhu unu-u, fiki ri Jerusalẹm Mi se rovwoma-a, bẹsiẹ rẹ ase rọye che vwo lo phia wrowro, esivwo rọye kerẹ urhukpẹ ro la.

² Ẹgborho na ke cha mrẹ ase wẹn, ivie na ejobi kẹ urinrin wẹn, ka vwẹ odẹ ọkpokpọ se we rẹ unu rẹ Ọrovwohwo ọvo che se.

³ Wọ cha dia erhu rẹ ovie vwẹ obọ rẹ Ọrovwohwo, irhu rẹ ovie vwẹ obọ rẹ Ọghẹnẹ wẹn.

⁴ E gbi se we ọfa nẹ Ọ rasere-e, otọ wẹn e gbi se ọfa nẹ Ọ ra kuanu-u, ẹkẹvuọvo ke se we nẹ Ojevwe Me hẹ evun rọye, otọ wẹn kẹ Orọvwe, kidie ivun wẹn vwerhe Ọrovwohwo, otọ wẹn ka rọvwọ.

⁵ Kirobo rẹ emeghene jovwo ọmọtobẹ na, eriyin emọ wẹn cha rọvwọ owẹ, kirobo rẹ ọshare re ọpha ghọghọ gbe ọpha rọye na, eriyin Ọghẹnẹ wẹn ghọghọ vwẹ oma wẹ.

⁶ Vwẹ enu rẹ igbẹhẹ wẹn, E Jerusalẹm, Mi phi erhẹrotọ phihọ; vwẹ uvo ejobi kugbe ason ejobi ayen che fotovwi-i. Ovwan re karohọ Ọrovwohwo na, we rovwoma-a,

⁷ Wa je vwẹ urovwoma kẹ-ẹ bẹsiẹ ri Jerusalẹm vwọ kpọvi rọ da dia ejiro vwẹ akpọ na.

⁸ Ọrovwohwo vwẹ obọrhe rọye duvwu iyori nure vẹ igbabọ rẹ Ọgba rọye na Me gbe sa vwẹ ọka wẹn ru emuọre kẹ ivwighrẹ wẹn ọfa-a, erhorha gbe sa da udi wẹn ru wọ wian phihọ na ọfa-a,

⁹ ẹkẹvuọvo ihwo ri woro ayen koko keye re re ayen ayen ki jiri Ọrovwohwo, ihwo re ghwẹ ayen koko ke da ayen vwẹ ọguan rẹ ẹshẹ mẹ na.

¹⁰ Wan anurhoro na, wan inurhoro na, rhuẹrẹ idjerhe na phihọ kẹ ihwo na; gbẹn gbẹn idjerhe rode na phihọ, tọrọ ibieragha nọ, kpare oka ke ihwo na mrẹ.

¹¹ Nighere, Ọrovwohwo na ghwoghwo nure ke oba re akpọ na duvwu. Ta kẹ ọmọtẹ ri Zayọn, Nighere, esivwo wẹn na rhire; nighere, osa ẹhwa rọye rhere, ẹse ẹkpẹvwẹ rọye ji rhe.

¹² Ke se ayen ihwo efuanfon na, re Ọrovwohwo tan hirhe, ke se we nẹ Aguọnọ phia, orere re jẹ siọ.