Aizaya 21 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

Epha ra bọ kpahe Aghwa rọ hẹ obo Abadi

¹ Aruemrẹ kpahe aghwa rọ obọ urhie. Kirobo rẹ ogoribo djuẹ vwẹ obi Nẹgẹb, ọ djuẹ nẹ obo aton cha, nẹ otọ ro mu oshọ rhe.

² A da mrẹ emramre ọtuatua kẹ vwẹ, ogborhugborho re gborho, ọguọghọ ra ghwọrọ. Yanran, E Elam kpo imu, E Media; unuẹfion rọ fẹrẹ ejobi me vwẹ ayen te oba.

³ Ọtiọye ehun mẹ vọnre vẹ uvwerhe; ọdjarhe mu vwe gba, kerẹ odjadja rẹ aye rọ chuẹ uvwiẹ, Mi si wurhu o gbi ju vwe nyo ẹme-e, ofu dje vwe hwe me gbe mrorẹ-ẹ.

⁴ Udu mẹ yeghe, oshọ rhurhu vwe, aruọnre re me hẹrhẹ o rhi hirhe phihọ uguegue kẹ vwẹ.

⁵ Ayen rhuẹrẹ imẹjẹ, ayen vwẹ emwa hwa, ayen ria, ayen da. Vrẹn, E isun, vwẹ ori ghworo ekpọfia!

⁶ Kidie enẹ Ọrovwohwo ta kẹ vwẹ; Yanran, vwẹ ọrhẹrotọ mu, jo ghwoghwo obo rọ mrẹre.

⁷ Ọke rọ da mrẹ ihwo re gua, iyesi re tere urhie ivivẹ. Ihwo re gua ekẹtẹkẹtẹ, ihwo re gua iyesi, jọ vwẹ oma kpotọ kerhọn, jọ vwẹ oma kpotọ gangan.

⁸ Etiyin ohwo rọ mrẹrẹ de kperi. Vwe enu re erheri mi mudia, E Ọrovwohwo, uvo ejobi mi mudia, vwẹ asan ohẹrhẹ mẹ na mi mudia ason ejobi.

⁹ Nighere, ihwo re gua na yan cha, ihwo re gua iyesi urhiẹ ivivẹ! Ọ da kpahe, Osheri, Babilọn sheri ọ vẹ uhoho rẹ ẹdjọ rọye ejobi a guọghọ ayen ejobi te otọ.

¹⁰ E i re wunyeri vẹ e re afare mẹ, die mi nyo mie Ọrovwohwo rẹ otuofovwi na, Ọghẹnẹ rẹ Izrẹl, mi ghwoghwo kẹ wẹ.

Epha ra bọ kpahe Dumah

¹¹ Aroẹmrẹ kpahe Dumah. Ohwo ọvo se vwe vwẹ Seir, Ọrherotọ, mavọ ason na epha? Ọrhẹrotọ, mavọ ason na epha?

¹² Ọrhẹrotọ, na da ta, Irhiọke cha, ye ason na ji sheri Ọ da dianẹ wọ nọ, nọ wọ, rhoma rhe.

Epha ra bọ kpahe Arebia

¹³ Aroẹmrẹ kpahe Arebia. Vwe evun re etu vwẹ Arebia etiyin wo won, E usun rẹ eranvwe ri Dedan.

¹⁴ Mu ame rhe ihwo re urhuru rẹ ame siẹ, vwẹ ikara ra vwọ vwa ighuvwu, E ihwo rẹ otọ ri Tema.

¹⁵ Kidie ayen djẹ nẹ abọ rẹ oda, nẹ ọlọkọ re yoro nẹ ako, nẹ umurhabọ re siri, nẹ ogidi rẹ ofovwi.

¹⁶ Kidie enẹ Ọrovwohwo ta kẹ vwẹ Bẹsiẹ ro vwo te ẹgbukpe, kirobo rẹ ekere rẹ ohwo re durhieri epha urinrin ri Kedar ejobi ko che vwo oba,

¹⁷ ihwo ri chekọ re san ikpọi rẹ egba re emọ ri Kedar ejobi ke cha havwe; kidie Ọrovwohwo rẹ Ọghẹnẹ re Izrẹl, ọye re tarọ.