Josué 12 - Bible in Tzeltal de Oxchuc y Tenejapa

Sc'oplal bit'il la yaiy stsalaw Moisés

¹ Ja'ic te muc' ajwaliletic te la stsalic te israeletic ta stojol sloq'uib c'aal yu'un te muc'ja' Jordán soc te q'uinal la yich'beyique, c'alal ta muc'ja' Arnón, c'alal ta wits Hermón, te ay ta swenta sloq'uib c'aal yu'un te muc'ja' Jordán:

² Ja' te sq'uinal Sehón, ajwalil yu'un amorreoetic, te nainem ta lum Hesbón. Ja' mandalaj c'alal ta lum Aroer ta sti'il tel muc'ja' Arnón, soc ja' to ta yolil stenlej xatal q'uinal te muc'ja' Jaboc, ta bay jajch'em tel sq'uinal te amonetique. (Jteb ma sta olil te sq'uinal Galaad.)

³ Ja' mandalaj ta jejch' ja' Jordán ta stojol sloq'uib c'aal, ja' to c'alal ta Mar Cineret, soc c'alal ta Mar Muerto, ta stojol bael te Bet-jesimot, ta stojol sur, ja' to c'alal ta yoc wits Pisga.

⁴ Ja' te sq'uinal Og, muc' ajwalil yu'un Basán, ja' xanix stuquel jil yu'un te refaitaetic, te nain ta lum Astarot soc ta lum Edrei.

⁵ Ja' mandalaj c'alal ta wits Hermón, ja' to ta lum Salca soc spisil te sq'uinal Basán, ja' to ta bay c'axem sti'il sq'uinal Gesur soc Maaca, soc ja' to ta olil xan sq'uinal Galaad, te ja' yu'un te Sehón ta neelal, te muc' ajwalil yu'un lum Hesbón.

⁶ Te Moisés soc te israeletic la stsalic ta jc'axel te ajwaliletique. Te q'uinaletic yac'ojbeyix Moisés sq'uinalinic te sts'umbal Rubén, sts'umbal Gad soc te olil sts'umbal Manasés.

Sc'oplal bit'il la yaiy tsalaw Josué

⁷ Ja'ic te ajwaliletic te la yich'ic tsalel yu'un Josué soc te israeletic ta bay q'uinal ta stojol smalib c'aal yu'un te muc'ja' Jordán, c'alal ta Baal-gad te ay ta stenlej xatal q'uinal yu'un Líbano soc c'alal ta wits Halac ta stojol Seir. Te Josué la spucbey sq'uinalinic te sts'umbal Israel spisil sq'uinal te ajwaliletique. Jich la yac'bey sq'uinalinic sbajt'el q'uinal

⁸ te toyol witstiquil, soc spamlej soc ta stenlej xatal q'uinal yu'un Jordán, te coel q'uinal bael, te jochol taquin q'uinal soc te Néguev. Ja' sq'uinalinejic ta neelal te hititaetic, amorreoetic, cananeoetic, ferezeoetic, heveoetic soc te jebuseoetique.

⁹ Te muc' ajwaliletic la yich'ic tsalel ta jc'axel, ja'ic in to: ajwalil yu'un Jericó, yu'un Hai, ja' te nopol yiloj sba soc Betel,

¹⁰ yu'un Jerusalén, yu'un Hebrón,

¹¹ yu'un Jarmut, yu'un Laquis,

¹² yu'un Eglón, yu'un Gezer,

¹³ yu'un Debir, yu'un Geder,

¹⁴ yu'un Horma, yu'un Arad,

¹⁵ yu'un Libna, yu'un Adulam,

¹⁶ yu'un Maceda, yu'un Betel,

¹⁷ yu'un Tapúa, yu'un Hefer,

¹⁸ yu'un Afec, yu'un Sarón,

¹⁹ yu'un Madón, yu'un Hazor,

²⁰ yu'un Simron-merón, yu'un Acsaf,

²¹ yu'un Taanac, yu'un Meguido,

²² yu'un Cedes, yu'un Jocneam te ay ta wits Carmelo,

²³ yu'un Dor te swentainej te toyol q'uinal Dor nix, yu'un Goim ta Gilgal

²⁴ soc te ajwalil yu'un Tirsa. Bulucheb xcha'winic (31) muc' ajwaliletic ta spisil.