Esdras 2 - Bible in Tzeltal de Oxchuc y Tenejapa

Mach'atic sujt'ic tel ta Jerusalén

¹ Ja' lista yu'un te israeletic te ayinemiquix ta Jerusalén soc ta yantic lumetic ta sq'uinal Judá, te cha'sujt'ic xan loq'uel tel ta Babilonia. Ja'ic nix te ac'bot yijq'uitay slumal soc sme'-static, te c'alal ic'otic bael ta namey yu'un Nabucodonosor, te muc' ajwalil ta Babilonia.

² Bajt'ic ta slumalic, chican banti lumiluc ta sq'uinal Judá. Ja' jtsobwanejetic bael te Zorobabel, Josué, Nehemías, Seraías, Reelaías, Mardoqueo, Bilsán, Mispar, Bigvai, Rehum soc Baana:

³ te mach'atic sts'umbal Paros, cha'mil soc lajchayeb sbalunwinic (2,172)

⁴ te mach'atic yu'un Sefatías, lajchayeb sbalunlajunwinic (372)

⁵ te mach'atic yu'un Ara, jo'lajuneb sbalunlajunwinic xcha'bajc' (775)

⁶ te mach'atic yu'un Pahat-moab, ja' nix yu'un Josué soc Joab, cha'mil soc lajchayeb yoxbajc' (2,812)

⁷ te mach'atic yu'un Elam, jmil soc chanlajuneb yoxlajunwinic (1,254)

⁸ te mach'atic yu'un Zatu, jo'eb swaxacwinic yoxbajc' (945)

⁹ te mach'atic yu'un Zacai, waxaclajunwinic xcha'bajc' (760)

¹⁰ te mach'atic yu'un Binuy, cheb yoxlajunwinic xcha'bajc' (642)

¹¹ te mach'atic yu'un Bebai, oxeb slajchaywinic xcha'bajc' (623)

¹² te mach'atic yu'un Azgad, jmil soc cheb slajchaywinic (1,222)

¹³ te mach'atic yu'un Adonicam, waqueb xchanlajunwinic xcha'bajc' (666)

¹⁴ te mach'atic yu'un Bigvai, cha'mil soc waclajuneb yoxwinic (2,056)

¹⁵ te mach'atic yu'un Adín, chanlajuneb yoxwinic xcha'bajc' (454)

¹⁶ te mach'atic yu'un Ater, ja' nix yu'un Ezequías, waxaclajuneb yo'winic (98)

¹⁷ te mach'atic yu'un Bezai, oxeb sjuclajunwinic (323)

¹⁸ te mach'atic yu'un Jora, lajchayeb swacwinic (112)

¹⁹ te mach'atic yu'un Hasum, oxeb slajchaywinic (223)

²⁰ te mach'atic yu'un Gibar, jo'lajuneb yo'winic (95)

²¹ te mach'atic ayic ta Belén, oxeb sjucwinic (123)

²² te mach'atic ayic ta Netofa, waclajuneb yoxwinic (56)

²³ te mach'atic ayic ta Anatot, waxaqueb sjucwinic (128)

²⁴ te mach'atic ayic ta Bet-azmavet, cheb yoxwinic (42)

²⁵ te mach'atic ayic ta Quiriat-jearim, Cafira soc Beerot, oxeb waxaclajunwinic xcha'bajc' (743)

²⁶ te mach'atic ayic ta Ramá soc Geba, jun slajchaywinic xcha'bajc' (621)

²⁷ te mach'atic ayic ta Micmas, cheb sjucwinic (122)

²⁸ te mach'atic ayic ta Betel soc Hai, oxeb slajchaywinic (223)

²⁹ te mach'atic ayic ta Nebo, lajchayeb yoxwinic (52)

³⁰ te mach'atic ayic ta Magbis, waclajuneb swaxacwinic (156)

³¹ te mach'atic ayic ta yan Elam, jmil soc chanlajuneb yoxlajunwinic (1,254)

³² te mach'atic ayic ta Harim, waclajunwinic (320)

³³ te mach'atic ayic ta Lod, Hadid soc Ono, jo'eb sjuclajunwinic xcha'bajc' (725)

³⁴ te mach'atic ayic ta Jericó, jo'eb swaxaclajunwinic (345)

³⁵ te mach'atic ayic ta Senaa, oxmil soc lajuneb slajchaywinic xcha'bajc' (3,630.)

³⁶ Te sacerdoteetic: ja' sts'umbal Jedaías, ja' te mach'atic ay yu'un te Josué, oxlajuneb sbalunwinic yoxbajc' (973)

³⁷ te mach'atic sts'umbal Imer, jmil soc lajchayeb yoxwinic (1,052)

³⁸ te mach'atic yu'un Pasur, jmil soc juqueb yoxlajunwinic (1,247)

³⁹ te mach'atic yu'un Harim, jmil soc juclajuneb (1,017)

⁴⁰ Te levitaetic: ja' sts'umbal te Josué soc te Cadmiel, te ja' nix sts'umbal te Hodavías, chanlajuneb xchanwinic (74).

⁴¹ Te jc'ayojetic: ja' sts'umbal te Asaf, waxaqueb sjucwinic (128).

⁴² Te jcanan-ti'nailetic yu'un te templo: ja' sts'umbal te Salum, te Ater, te Talmón, te Acub, te Hatita, soc te Sobai ta spisilic, loc' balunlajuneb sjucwinic (139).

⁴³ Te abatetic yu'un templo: Ja'ic te sts'umbal Ziha, te Hasufa, te Tabaot,

⁴⁴ te Queros, te Siaha, te Padón,

⁴⁵ te Lebana, te Hagaba, te Acub,

⁴⁶ te Hagab, te Salmai, te Hanán,

⁴⁷ te Gidel, te Gahar, te Reaía,

⁴⁸ te Rezín, te Necoda, te Gazam,

⁴⁹ te Uza, te Paseah, te Besai,

⁵⁰ te Asena, te Meunim, te Nefusim,

⁵¹ te Bacbuc, te Hacufa, te Harhur,

⁵² te Bazlut, te Mehida, te Harsa,

⁵³ te Barcos, te Sísara, te Tema,

⁵⁴ te Nezía soc te Hatifa.

⁵⁵ Te mach'atic sts'umbal te abatetic yu'un Salomón: ja' te sts'umbal Sotai, te Soferet, te Peruda,

⁵⁶ te Jaala, te Darcón, te Gidel,

⁵⁷ te Sefatías, te Hatil, te Poqueret-hazebaim soc te Amón.

⁵⁸ Ta spisil te abatetic yu'un templo soc te sts'umbal te abatetic yu'un Salomón, loc' balunlajunwinic soc lajchayeb (392).

⁵⁹ Te mach'atic talic ta Tel-mela, Tel-harsa, Querub, Adón soc Imer, te ma ba ju' yu'unic te la yac' sbaic ta na'el teme israeletic ta swenta sts'umbalique, ja' in to:

⁶⁰ te mach'atic sts'umbal Delaía, yu'un Tobías soc te Necoda, loc' lajchayeb yoxlajunwinic xcha'bajc' (652).

⁶¹ Soc te xchapomal te sacerdoteetique: te ja' sts'umbal te Habaía, te Cos soc te Barzilai, te nujbin soc jtul yantsil-nich'an Barzilai te talem ta Galaad, soc ich'bot sbiilic yu'un.

⁶² Ja'ic in to la sle sbiilic ta lista yu'un te juju-jchajp na, pero ma ba la staic tey a. Ja' yu'un ma ba ochic ta sacerdoteil.

⁶³ Soc xan te ajwalil la yal mandal te ma xju' ya swe'ic te we'eliletic ch'ultesbil ja' to teme ay jtul sacerdote te ya sjojc'o ta swenta Urim soc Tumim.

⁶⁴ Ta spisilic te jun ayique, ayic ta spisilic cheb yoxwinic ta jmil soc waxaclajunwinic (42,360).

⁶⁵ Ma ba ajtaybil stuquelic te manbil abatetic antsetic winiquetic, te ay jucmil soc juclajuneb sjuclajunwinic (7,337) ta jtul. Soc ay lajunwinic (200) jc'ayoj winiquetic soc antsetic.

⁶⁶ Soc ay waclajuneb sjuclajunwinic xcha'bajc' (736) caballoetic, soc ay jo'eb yoxlajunwinic (245) mulaetic,

⁶⁷ ay bajc' soc jo'lajuneb xcha'winic (435) camelloetic, soc wacmil soc waclajunwinic xcha'bajc' (6,720) burroetic.

⁶⁸ Ay jwolwanejetic ta jujun na, te c'alal c'otic ta templo yu'un Cajwaltic ta Jerusalén, spasemal yo'tanic la yaq'uic majt'anil, swenta yu'un ya yich' xan pasel a te templo yu'un te Diose.

⁶⁹ Ja' la yaq'uic yu'un te ya xtuun ta xcha'pasel xan te templo, chican te bi yilel te bitic ay yu'unique, ja' nix jich la yaq'uic. La yaq'uic bajc' soc waxaqueb yo'winic (488) kilo oro, cha'mil soc lajuneb swaxaclajunwinic xcha'bajc' (2,750) kilo plata, soc jo'winic (100) ta jlijc' c'u'iletic yu'un sacerdoteetic.

⁷⁰ Te sacerdoteetic, te levitaetic, soc jtebuc te yajwal lume jilic ta nainel ta Jerusalén. Te jc'ayojetic, jcanan-ti'nailetic, abatetic yu'un templo, soc te yantic israeletique, jilic ta slumal stuquelic.