Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -

Oseas 8 - Bible in Tzeltal Bachajón


Tsitsel yu'un sch'uhunel lotil diosetic

1 Ac'a ta awe te corneta, ya xtal jxic ta stojol te sna Jehová, como la sc'axuntaybonic te chapbil-c'op cu'un soc la stoy sbahic ta stojol te Ley cu'une.

2 Hich ya yawtayon te Israel: Dios cu'un, ya jna'batcotic aba, xchihic.

3 Pero te Israel la sp'aj te bin lec, ya xnutsot yu'un scontra.

4 La ya'be ya'telic ajwaliletic, pero ma ha'uc te tsahbil cu'une; la slehic príncipaletic, pero ma ba jna'oj. La spasic loc'ombahetic yu'unic ta plata soc ta oro, ha nax ya sjin sbahic a.

5 Samaria, te jcolel toro awu'un la yac' te q'uejel bahat. Tihlemix quilimba ta stojolic: ¿Bin to ora yac atahic lecubtesel?

6 Como ha nix yu'un Israel te jcolel toro; pasbil yu'un mach'a ya sna' spasel, ma ha'uc Dios te toro. Ha yu'un ya me yich' wuyel te jcolel toro yu'un Samaria.

7 La sts'unic ic', la stsobic sutu-ic'. Mayuc sit te trigo, ma ba ya yac' harina; teme ya sitin, ya xwe'ot yu'un jyanlumetic.

8 ¡Lajimbil ya xc'oht te Israel! yo'tic ay ta yohlil te nacionetic hich te bin ut'il vasija te mayuc sc'oblal.

9 Como mohic bahel ta Asiria hich te bin ut'il ha'mal burro te stuquel ay. Efraín la schon sba ta stojol mach'atic mulanot yu'un.

10 Aunque la schon sbahic ta stojol te nacionetic, ya jtsob xan tal yu'un ta jts'ihn bahel ya xhahch swocolic yu'un yalal te uts'inel yu'un te ajwaliletic soc te príncipaletique.

11 Como te Efraín la spas bayel scajtajib ta chiq'uel mahtaniletic scuenta slehel mulil a, ha nax tuhun yu'unic scuenta slehel mulil.

12 Aunque bayel bintic la jts'ihbabe ta Ley cu'un, jchahp nax c'oht ta yo'tanic.

13 La ya'bonic chic'bil mahtaniletic soc la swe'beyic sti'balul, pero te Jehová ma ba lec yo'tan yu'un. Ya me sna'be te bin chopol spasojic, ya ya'be castigo yu'un smulic, ya me cha'suhtic bahel ta Egipto.

14 Israel ch'ay ta yo'tan te Jpaswanej yu'une, la spas t'ujbil muc'ul nahetic. Judá la spas bayel pueblohetic te ayic sts'ahcul; pero ya jticon bahel c'ahc' ta stojol te pueblohetic yu'un te ya slajimbe te t'ujbil muc'ul nahetic yu'une.

Biblia Tzeltal Bachajon © Sociedad Bíblica de México, A.C., 2006.

Bible Society of Mexico
ကြှနျုပျတို့နောကျလိုကျပါ:



ကြော်ငြာတွေ