Oseas 3 - Bible in Tzeltal Bachajón

Oseas soc te j'antsinel ants

¹ Te Jehová hich la yalbon xan: Bahan, c'uxuc me ta awo'tan jtuhl ants te yan mach'a c'ahyem soc, te ha j'antsinel ants; hich c'ux ta yo'tan Jehová te snich'nab Israel, aunque ya xbahtic ta stojol yantic diosetic soc ya smulanic te pimil pan pasbil ta taquin ts'usub, xchi.

² Ha yu'un la jman te ants ta ho'lajuneb (15) ta sehp plata soc j'ohlil scheb homer cebada.

³ Hich la jcalbe: Cu'un ya xc'ohat bayel c'ahc'al; ma me xawac' aba ta antsinel, ma me xawac' aba ta stojol yan winic, ha nix hich ya jpas ta atojol, xchihon.

⁴ Como te snich'nab Israel bayel c'ahc'al te mayuc ajwalil, príncipal, chic'bil mahtanil, tehc'ambil ton, o loc'ombahetic yu'unic.

⁵ Patil ya suhtic tal te snich'nab Israel, ya slehic te Jehová, te Dios yu'unic, soc David te ajwalil yu'unique; soc ta nopol slajibal c'ahc'al ya me xtal yich'ic ta muc' te Jehová soc te yutsil slequil.