Josué 12 - Bible in Tzeltal Bachajón

Te ajwaliletic tsalotic yu'un Moisés

¹ Hich ay te ajwaliletic yu'un te q'uinal te tsalotic yu'un te snich'nab Israel soc te u'untaybot sq'uinalic ta jehch Jordán ta stojol banti ya xloc' tal c'ahc'al, c'alal ta sjuclej Arnón ha to ta wits Hermón, spisil te Arabá te ay ta stojol banti ya xloc' tal c'ahc'al:

² Ha te Sehón ajwalil yu'un te amorreohetic, te nahin ta Hesbón, te la scuentahin c'alal Aroer te ay ta sti'il te uc'um Arnón ha to ta uc'um Jaboc, te sti'il sq'uinal te snich'nab Amón, c'alal ta yohlil te sjuclej soc j'ohlil te sq'uinal Galaad.

³ Soc la scuentahin te Arabá ta stojol banti ya xloc' tal c'ahc'al, c'alal ta mar yu'un Cineret ha to ta mar yu'un te Arabá, ha te Mar Salado, ta stojol banti ya xloc' tal c'ahc'al, soc ta sbehlal Bet-jesimot c'alal ta stojol sur ta ye'tal wits Pisga.

⁴ Te sq'uinal Og ajwalil yu'un Basán, ha te mach'a hil yu'un te refahetic, te nahin ta Astarot soc ta Edrei,

⁵ soc te la scuentahin te wits Hermón, Salca, spahmal sq'uinal Basán ha to ta sti'il sq'uinal Gesur soc Maaca, soc j'ohlil sq'uinal Galaad, c'alal ta sq'uinal Sehón ajwalil yu'un Hesbón.

⁶ Ha'ic te la yich'ic tsalel yu'un Moisés te a'bat yu'un Jehová, soc te snich'nab Israel; te Moisés te a'bat yu'un Jehová, ya'beyejix te sts'umbal Rubén, Gad soc te j'ohlil sts'umbal Manasés te sq'uinalique.

Te ajwaliletic tsalotic yu'un Josué

⁷ Hich ay te ajwaliletic yu'un te q'uinal te la stsal te Josué soc te snich'nab Israel ta stojol smahlib c'ahc'al yu'un te muc'ul-ha' Jordán, c'alal ta Baal-gad te ay ta spamlej yu'un Líbano ha to ta wits Halac te ya xmo bahel ta Seir, ha te q'uinal te Josué la spuctilambe ta stojol te chahpalchahp yu'un Israel, chican jayeb la yich' te jujuchahp,

⁸ ta witsiltic, spamlejetic, ta Arabá, ta cohel q'uinal bahel, ta jochol taquin q'uinal soc ta Neguev, te banti nahinic te heteo, amorreo, cananeo, ferezeo, heveo soc te jebuseohetic:

⁹ ha te ajwaliletic yu'un Jericó, yu'un Hai te ay ta sts'ehl Bet-el,

¹⁰ yu'un Jerusalén, Hebrón,

¹¹ Jarmut, Laquis,

¹² Eglón, Gezer,

¹³ Debir, Geder,

¹⁴ Horma, Arad,

¹⁵ Libna, Adulam,

¹⁶ Maceda, Bet-el,

¹⁷ Tapúa, Hefer,

¹⁸ Afec, Sarón,

¹⁹ Madón, Hazor,

²⁰ Simron-merón, Acsaf,

²¹ Taanac, Meguido,

²² Cedes, Jocneam ta Carmelo,

²³ Dor te ay ta toyol q'uinal Dor, Goim ta Gilgal,

²⁴ soc te ajwalil yu'un Tirsa; bulucheb scha'winic (31) ta tuhl ajwaliletic ta spisil.