Génesis 10 - Bible in Tzeltal Bachajón

Cajalcaj sts'umbal Noé

¹ Hich ay te cajalcaj sts'umbalic te snich'nab Noé: ha te Sem, Cam soc Jafet, te ayin yal-snich'anic c'alal c'axix a te puhlele.

² Te snich'nab Jafet: ha Gomer, Magog, Madai, Javán, Tubal, Mesec soc Tiras.

³ Te snich'nab Gomer: ha Askenaz, Rifat soc Togarma.

⁴ Te snich'nab Javán: ha Elisa, Tarsis, Quitim soc Rodanim.

⁵ Ha'ic te nahinic ta ti'mar, chahpalchahp la stsob sbahic, ha chican bin ut'il ay te sc'opique.

⁶ Te snich'nab Cam: ha Cus, Mizraim, Fut soc Canaán.

⁷ Te snich'nab Cus: ha Seba, Havila, Sabta, Raama soc Sabteca. Te snich'nab Raama: ha Seba soc Dedán.

⁸ Ayin snich'an Cus, ha te Nimrod, ha te mach'a te bayel yip ta q'uinal.

⁹ Mero jnutsojel winic ta stojol Jehová, ha scuentahil te hich ay ta halel: Hich te bin ut'il Nimrod, te mero jnutsojel winic ta stojol Jehová, te xchihe.

¹⁰ Te Babel, Erec, Acad soc Calne, ha te capitaletic ta sq'uinal Sinar te banti scuentahinej.

¹¹ Loc' bahel tey a baht ta Asiria, c'oht spas te Nínive, te Rehobot-Ir, Cala,

¹² soc te muc'ul pueblo Resén te ohlil ay yu'un Nínive soc Cala.

¹³ Ayin snich'nab Mizraim, ha te Ludim, Anamim, Lehabim, Naftuhim,

¹⁴ Patrusim, Casluhim (te banti chicnaj tal te filisteohetic), soc te Caftorim.

¹⁵ Ayin snich'nab Canaán, ha te Sidón te sba-nich'an, soc Het,

¹⁶ soc te jebuseo, amorreo, gergeseo,

¹⁷ heveo, araceo, sineo,

¹⁸ arvadeo, zemareo, soc te hamateo. Patil puhquic bahel te sts'umbal Canaán.

¹⁹ Te sti'sts'ahcan te cananeohetic hahch ta Sidón, c'ax ta stojol Gerar c'alal Gaza; c'ax ta stojol Sodoma, Gomorra, Adma, Zeboim, c'alal ta Lasa.

²⁰ Ha'ic te snich'nab Cam ta jujuchahp soc ta jujun sc'opic, jsehpelsehp sq'uinalic soc ta jujuchahp nacionetic.

²¹ Ha nix hich ayin snich'nab te Sem, te sbanquil Jafet. Ha tatil yu'un spisil te snich'nab Heber.

²² Te snich'nab Sem, ha te Elam, Asur, Arfaxad, Lud soc Aram.

²³ Te snich'nab Aram, ha te Uz, Hul, Geter soc Mas.

²⁴ Ayin snich'an Arfaxad, ha te Sala. Ayin snich'an Sala, ha te Heber.

²⁵ Ayin cheb snich'nab Heber: Peleg sbihil te jtuhle, yu'un ha yorahil a te la sjat sbahic ta q'uinal; Joctán sbihil te yihts'ine.

²⁶ Ayin snich'nab Joctán, ha te Almodad, Selef, Hazar-mavet, Jera,

²⁷ Adoram, Uzal, Dicla,

²⁸ Obal, Abimael, Seba,

²⁹ Ofir, Havila soc Jobab. Ha'ic spisil te snich'nab Joctán.

³⁰ Te q'uinal te banti nahinic, ha te Mesa ta stojol Sefar, c'alal ta witsiltic ay ta stojol banti ya xloc' tal c'ahc'al.

³¹ Hich ay te sts'umbal Sem ta jujuchahp soc ta jujun sc'opic, ta jsehpelsehp sq'uinalic soc ta jujuchahp nacionetic.

³² Hich ay te snich'nab Noé ta cajalcaj sts'umbal soc ta jujuchahp nacionetic. Tey hahchic tal a te jujuchahp nacionetic te la spuc sbahic bahel ta q'uinal te c'alal c'axix a te puhlele.