Esdras 2 - Bible in Tzeltal Bachajón

Mach'atic suhtic bahel soc Zorobabel

¹ Ha sbihilic ini te mach'atic hahchemic ta sq'uinal Judá te suhtic tal ta chuquel, ha te mach'atic chucotic bahel ta Babilonia yu'un te Nabucodonosor ajwalil yu'un Babilonia, te suhtic tal ta Jerusalén soc Judá, jujutuhl ta pueblo yu'un.

² Te mach'atic talic soc te Zorobabel: ha te Josué, Nehemías, Seraías, Reelaías, Mardoqueo, Bilsán, Mispar, Bigvai, Rehum soc Baana. Hich ay te jaytuhl winiquetic yu'un te pueblo Israel:

³ Te sts'umbal Paros, ho'bahc' soc lahchayeb sbalunwinic (2,172);

⁴ te sts'umbal Sefatías, lahchayeb sbalunlajunwinic (372);

⁵ te sts'umbal Ara, ho'lajunwinic scha'bahc' soc ho'lajuneb schanwinic (775);

⁶ te sts'umbal Pahat-moab, ha nix te yu'un Josué soc Joab, hucbahc' soc lahchayeb (2,812);

⁷ te sts'umbal Elam, oxbahc' soc chanlajuneb yoxwinic (1,254);

⁸ te sts'umbal Zatu, ho'winic yoxbahc' soc ho'eb yoxwinic (945);

⁹ te sts'umbal Zacai, ho'lajunwinic scha'bahc' soc oxwinic (760);

¹⁰ te sts'umbal Binuy, lajunwinic scha'bahc' soc cheb yoxwinic (642);

¹¹ te sts'umbal Bebai, lajunwinic scha'bahc' soc oxeb scha'winic (623);

¹² te sts'umbal Azgad, oxbahc' soc cheb scha'winic (1,222);

¹³ te sts'umbal Adonicam, lajunwinic scha'bahc' soc waqueb schanwinic (666);

¹⁴ te sts'umbal Bigvai, ho'bahc' soc waclajuneb yoxwinic (2,056);

¹⁵ te sts'umbal Adín, jbahc' soc chanlajuneb yoxwinic (454);

¹⁶ te sts'umbal Ater, ha nix te yu'un Ezequías, waxaclajuneb yo'winic (98);

¹⁷ te sts'umbal Bezai, ho'lajuneb soc oxeb scha'winic (323);

¹⁸ te sts'umbal Jora, lahchayeb swacwinic (112);

¹⁹ te sts'umbal Hasum, oxeb slahchaywinic (223);

²⁰ te sts'umbal Gibar, ho'lajuneb yo'winic (95);

²¹ te winiquetic yu'un Belén, oxeb shucwinic (123);

²² yu'un Netofa, waclajuneb yoxwinic (56);

²³ yu'un Anatot, waxaqueb shucwinic (128);

²⁴ yu'un Bet-azmavet, cheb yoxwinic (42);

²⁵ yu'un Quiriat-jearim, Cafira soc Beerot, ho'lajunwinic scha'bahc' soc oxeb yoxwinic (743)

²⁶ yu'un Ramá soc Geba, lajunwinic scha'bahc' soc jun scha'winic (621);

²⁷ yu'un Micmas, cheb shucwinic (122);

²⁸ yu'un Bet-el soc Hai, oxeb slahchaywinic (223);

²⁹ yu'un Nebo, lahchayeb yoxwinic (52);

³⁰ yu'un Magbis, waclajuneb swaxacwinic (156);

³¹ yu'un yan Elam, oxbahc' soc chanlajuneb yoxwinic (1,254);

³² yu'un Harim, waclajunwinic (320);

³³ yu'un Lod, Hadid soc Ono, ho'lajunwinic scha'bahc' soc ho'eb scha'winic (725);

³⁴ yu'un Jericó, ho'eb swaxaclajunwinic (345);

³⁵ yu'un Senaa, balunbahc' soc lajuneb scha'winic (3,630).

³⁶ Te sacerdotehetic hich ay: te sts'umbal Jedaías, ha te mach'atic ay yu'un te Jesúa, ho'winic yoxbahc' soc oxlajuneb schanwinic (973);

³⁷ te sts'umbal Imer, lajunwinic yoxbahc' soc lahchayeb yoxwinic (1,052);

³⁸ te sts'umbal Pasur, oxbahc' soc huqueb yoxwinic (1,247);

³⁹ te sts'umbal Harim, lajunwinic yoxbahc' soc huclajuneb (1,017).

⁴⁰ Te levitahetic hich ay: te sts'umbal Jesúa soc yu'un Cadmiel, te ha sts'umbal Hodavías, chanlajuneb schanwinic (74).

⁴¹ Te jc'ayojetic hich ay: te sts'umbal Asaf, waxaqueb shucwinic (128).

⁴² Te jcanan-ti'nahiletic yu'un te templo hich ay: te sts'umbal Salum, Ater, Talmón, Acub, Hatita, soc Sobai, ay balunlajuneb shucwinic (139).

⁴³ Te a'batetic ta templo hich ay: te sts'umbal Ziha, Hasufa, Tabaot,

⁴⁴ Queros, Siaha, Padón,

⁴⁵ Lebana, Hagaba, Acub,

⁴⁶ Hagab, Salmai, Hanán,

⁴⁷ Gidel, Gahar, Reaía,

⁴⁸ Rezín, Necoda, Gazam,

⁴⁹ Uza, Paseah, Besai,

⁵⁰ Asena, Meunim, Nefusim,

⁵¹ Bacbuc, Hacufa, Harhur,

⁵² Bazlut, Mehída, Harsa,

⁵³ Barcos, Sísara, Tema,

⁵⁴ Nezía soc Hatifa.

⁵⁵ Te sts'umbal te a'batetic yu'un Salomón hich ay: te sts'umbal Sotai, Soferet, Peruda,

⁵⁶ Jaala, Darcón, Gidel,

⁵⁷ Sefatías, Hatil, Poqueret-hazebaim soc Ami.

⁵⁸ Ta spisil te a'batetic ta templo soc te sts'umbal te a'batetic yu'un Salomón, ha balunlajunwinic soc lahchayeb (392) ta tuhl.

⁵⁹ Ha'ic ini te talic ta Tel-mela, Tel-harsa, Querub, Adón soc Imer, te ma ba hu' yu'unic te la yaq'uic ta ilel ta scuenta sna sme'static te ha yu'un Israel:

⁶⁰ ha te sts'umbal Delaía, Tobías soc Necoda, lajunwinic scha'bahc' soc lahchayeb yoxwinic (652).

⁶¹ Soc te sts'umbal te sacerdotehetic: ha te sts'umbal Habaía, Cos soc Barzilai, te nuhpun soc jtuhl yantsil-nich'an Barzilai te talem ta Galaad, soc ich'bot sbihilic yu'un.

⁶² Ha'ic la sle sbihilic ta lista yu'un te jujuchahp na, pero ma ba la stahic tey a, ha yu'un la yich'ic loq'uesel ta sacerdotehil.

⁶³ Te gobernador la yalbe te ma xhu' ya swe'ic te ch'ultesbil we'eliletic ha to teme ay jtuhl sacerdote te ya sjoc'oy ta scuenta Urim soc Tumim.

⁶⁴ Spisil te pueblo te junax stsoboj sbahic, ha ho'pic soc waxaclajunwinic swacbahc' (42,360) ta tuhl.

⁶⁵ Ma ba ahtaybil stuquelic te a'bat ants-winiquetic yu'unic, te ay waxaclajunbahc' soc huclajuneb shucwinic (7,337) ta tuhl. Soc ay lajunwinic (200) ta tuhl jc'ayoj ants-winiquetic.

⁶⁶ Soc ay ho'lajunwinic scha'bahc' soc waclajuneb scha'winic (736) cawuhetic, ho'eb yoxlajunwinic (245) mulahetic,

⁶⁷ jbahc' soc ho'lajuneb scha'winic (435) camellohetic, soc waclajunbahc' soc waclajunwinic (6,720) burrohetic.

⁶⁸ Ay jtsobawetic yu'un sna sme'static, te c'alal talic ta sna Jehová te ay ta Jerusalén, ta sc'anojel yo'tanic la yaq'uic mahtaniletic scuenta scha'pasel te sna Dios ta lugar yu'un.

⁶⁹ Chican te jayeb hu' yu'unic, la ya'beyic te tesorero yu'un a'tel, ha hucpic soc lajunwinic yoxlajunbahc' (61,000) dracma yu'un oro, j'ohlil yoxlajunbahc' (5,000) libra yu'un plata, soc ho'winic (100) ta lihc c'u'uletic yu'un sacerdotehetic.

⁷⁰ Te sacerdotehetic, levitahetic, te mach'atic yu'un te pueblo, te jc'ayojetic, jcanan-ti'nahiletic soc a'batetic ta templo nahinic ta pueblohetic yu'unic. Hich spisil Israel nahinic ta pueblo yu'unic.