1 TAWARIKH 7 - Susula Malalaok Hehelu Palak Ma Hehelu Beuk

Isakhar tititi-nonosin

¹ Isakhar anatoun 4, fo nde: Tola, Pua, Yasub ma Simron.

² Tola anatoun 6, fo nde: Uzi, Refaya, Yeriel, Yahmai, Yibsam ma Semuel. Hataholi sila nde been-na, malanga uma loo nai leo-ingu Tola dalek, fo nananita-nalelak da'di leo solda'du ao makadelek. Nai Manek Dauk-ka tepo-lelen-na, sila tititi-nonosin-nala hataholi 22.600.

³ Uzi anatoun esa, na'de Yizrahya. Yizrahya ma anatoun ka 4-na, fo nde: Mikhael, Obaja, Yoel ma Yisia nde been-na malangan mesa-mesan.

⁴ Saon-nala ma anan-nala de'u-na seli, nalosa tititi-nonosin-nala hapu sadia-la touk 36.000 fo da'di solda'du.

⁵ Tunga susulak matetuk-ka, neme basa teidalek manai leo Isakhar-ra dalek, hapu touk 87.000 landaa da'di solda'du.

Benyamin tititi-nonosin boema Dan tititi-nonosin

⁶ Benyamin anatoun 3, fo nde: Bela, Bekher ma Yediael.

⁷ Bela anatoun 5, fo nde: Esbon, Uzi, Uziel, Yerimot ma Iri. Sila nde been-na malanga uma loo nai sila leo-ingu-na dalek, ma nananita-nalelak da'di leo solda'du ao makadelek. Nai sila susula tititi-nonosin-na dalek, nanasulak touk 22.034 landaa da'di solda'du.

⁸ Bekher anatoun 9, fo nde: Zemira, Yoas, Eliezer, Elyoenai, Omri, Yeremot, Abia, Anatot ma Alemet.

⁹ Sila nde been-na, malanga uma loo nai sila leo-ingu-na dalek. Tunga susula matetuk-ka, neme basa teidalek manai sila tititi-nonosin-na dalek, hapu touk 20.200 landaa da'di solda'du.

¹⁰ Yediael anatoun esa, na'de Bilhan. Bilhan anatoun 7, fo nde: Yeus, Benyamin, Ehud, Kanaana, Zetan, Tarsis ma Ahisahar.

¹¹ Sila nde been-na, malanga uma loo nai sila leo-ingu-na dalek, ma nananita-nalelak da'di leo solda'du ao makadelek. Nai sila susula tititi-nonosin-na dalek, hapu touk 17.200 landaa da'di solda'du.

¹² Supim ma Hupim nde been-na, Ir tititi-nonosin. Husim nde been-na, Dan anan.

Naftali tititi-nonosin

¹³ Naftali anatoun 4, fo nde: Yahziel, Guni, Yezer ma Salum. Sila nde been-na Bilha upun sila.

Manasye tititi-nonosin

¹⁴ Manasye no sao makahatun-na, fo ina Aram ndia, anatoun 2, fo nde: Asriel ma Makhir. Makhir anan-na nde Gilead.

¹⁵ Makhir sanga inak fe Hupim ma Supim. Makhir saon-na na'de Maakha. Makhir ana ka 2 nde Zelafehad. Zelafehad anatoun ta, te ka'da maanainak.

¹⁶ Maakha fo Makhir saon-na, bongi anatouk 2, de ala fois na'de Peres ma Seres; Peres anatoun 2, na'de Ulam ma Rekem.

¹⁷ Ulam anatoun esa, na'de Bedan. Ndia nde Gilead fo Makhir anan-na, ma Manasye upun-na, tititi-nonosin.

¹⁸ Gilead tolanoo inan fo mana'de Molekhet-ta, anatoun 3, fo nde: Isyhot, Abiezer ma Mahla.

¹⁹ Semida anatoun 4, fo nde: Ahyan, Sekhem, Likhi ma Aniam.

Efraim tititi-nonosin

^20-21 Efraim anatoun 3, fo nde: Sutelah, Ezer ma Elad. Efraim tititi-nonosin tutuin-na tunga Sutelah fo nde Bered, Tahat, Elada, Tahat, Zabad, Sutelah. Ezer ma Elad nanatao nisak, nai lelek sanga lamanako nusak Gad-ta, laun-nala bana-manun.

²² Sila aman susa fai-faik, nalosa tolanoon-nala mai kokoe-nanasin.

²³ Basa boema, Efraim sungu seluk no saon-na, boema inak ndia nailu, de ana bongi-na anatouk esa. Efraim foi anan ndia na'de Beria, nanahu ala la'ola'di soe ndia.

²⁴ Efraim maanainak, na'de Seera. Ndia nde napadedeik kota Bet-Horon Dae ma Bet-Horon Lain, boema kota Uza ma Seera.

²⁵ Bei hapu Efraim anatoun esa seluk, na'de Refah. Refah tititi-nonosin tutuin-na nde ia: Resef, Telah, Tahan,

²⁶ Ladan, Amihud, Elisama,

²⁷ Nun, Yosua.

²⁸ Nusak fo nanafek soaneu da'di sila mamana leleon-na, nde been-na neme Betel losa Naaran nai boboak dulu, ma Gezer nai boboak muli, boema nggolo-nggolok manai kota sila-la titia-tatain. Nai nusak ndia dalek boe, hapu kota Sikhem ma Aya, boema nggolo-nggolok manai boboa-kaisun.

²⁹ Manasye tititi-nonosin koasa kota Bet-Sean, Taanakh, Megido, Dor ma nggolo-nggolok manai boboa-kaisun-nala. Yusuf fo Yakob anan-na tititi-nonosin, mamana leleon-nala basa-basan nde ndia.

Asyer tititi-nonosin

³⁰ Manamaik ia nde been-na Asyer tititi-nonosin. Asyer anatoun 4, fo nde: Yimna, Yiswa, Yiswi, Beria ma anainak esa na'de Serah.

³¹ Beria anatoun 2, fo nde: Heber ma Malkhial, fo napadedeik kota Birsait-ta.

³² Heber anatoun 3, fo nde: Yaflet, Somer, Hotam, ma anainak esa na'de Sua.

³³ Yaflet boeo anatoun 3, fo nde: Pasakh, Bimhab ma Asywat.

³⁴ Somer fo Yaflet tolanoon-na, anatoun 4, fo nde: Ahi, Rohga, Yehuba ma Aram.

³⁵ Hotam fo Yaflet tolanoon esa seluk, anatoun haa, fo nde: Zofah, Yimna, Seles ma Amal.

³⁶ Zofah tititi-nonosin nde Suah, Harnefer, Syual, Beri, Yimra,

³⁷ Bezer, Hod, Sama, Silsa, Yitran ma Beera.

³⁸ Yeter tititi-nonosin nde Yefune, Pispa ma Ara.

³⁹ Ula tititi-nonosin nde Ara, Haniel ma Rizya.

⁴⁰ Asyer tititi-nonosin nde sila-la. Sila basa-basas malanga uma loo, ma nananita-nalelak da'di leo palani ta'ti batu ao makadelek ma mauli-malangan matua. Nai Asyer susula tititi-nonosin dale, nanasulak touk 26.000 landaa da'di solda'du.