Zebur 99 - Mukaddes Kitap

99-njy mezmur

Şükür mezmury

¹ Eý, bütin ýer ýüzi, Rebbe heşelle kakyň.

² Rebbe şatlyk bilen siz gulluk ediň, nagma aýdyp, Onuň gaşyna baryň.

³ Ol Beýik Hudaýdyr, siz muny biliň. Ol bizi ýaratdy, biz-de Onuňky, biz – örüsiniň goýunlary we Onuň halky.

⁴ Derwezelerinden giriň şükürler bilen, howlularyna – öwgüler bilen. Oňa şükür ediň, adyna alkyşlar aýdyň.

⁵ Çünki Reb ýagşy, Onuň söýgüsi baky, wepadarlygy – nesillerboýy.