Zebur 28 - Mukaddes Kitap

28‑nji mezmur

Dawudyň mezmury

¹ Reb barada aýdyň, eý, ylahy barlyklar, Rebbiň şöhratlydygy, kuwwatlydygy barada aýdyň.

² Rebbiň adyny mynasyp şöhratlandyryň; şanly mukaddesliginde Oňa siz sežde ediň.

³ Rebbiň sesi suwlaryň ýüzünde, Hudaýyň şöhraty gümmürdeýär, Reb ummasyz suwlardan üstündir.

⁴ Rebbiň sesi kuwwatlydyr, Rebbiň sesi şan-şöhratlydyr.

⁵ Rebbiň sesi kedr agaçlaryny döwýär, Reb Liwan kedrlerini owradýar.

⁶ Ol Liwan dagyny göle deý, Sirýon dagyny-da ýabany öküzçe deý bökdürýär.

⁷ Rebbiň sesi ýyldyrymlar çakdyrýar.

⁸ Rebbiň sesi çöli sarsdyrýar, Reb Kadeş çölüni sarsdyrýar.

⁹ Rebbiň sesi keýikleri guzladýar, tokaýlary ýalaňaçlaýar; Onuň ybadathanasynda hemmeler «Hudaýa şöhrat!» diýýär.

¹⁰ Reb siliň ýokarsynda tagt gurup oturýar. Reb Şa hökmünde baky oturýar.

¹¹ Goý, Reb Öz halkyna güýç-kuwwat bersin hem-de ony parahatlyk bilen ýalkasyn!