Zebur 23 - Mukaddes Kitap

23‑nji mezmur

Dawudyň mezmury

¹ Rebbiňkidir ýer we ondaky zatlar, älem hem-de onda ýaşaýanlar.

² Çünki Ol deňizler üstünde ýeriň düýbüni tutdy hem-de ony suwlaryň üstünde gurdy.

³ Rebbiň dagyna kim çykyp biler? Mukaddes öýünde kim durup biler?

⁴ Elleri päk, ýüregi-de ak, köňlüni galplyga gönükdirmeýän, hile bilen kasam etmeýän ynsan.

⁵ Ol Rebden alar ak pata, halas edýän Hudaýyndan alar aklanma.

⁶ Ony – Ýakup Hudaýynyň ýüzüni agtarýanlaryň neslindendir ol.

⁷ Eý, derwezeler, başlaryňyzy galdyryň! Eý, gadymy gapylar, ýokary galyň! Şöhrat Şasy içerik girsin!

⁸ Bu şöhrat Şasy kim? Rebdir güýçli, kuwwatly, Rebdir, söweşdäki kuwwatly.

⁹ Eý, derwezeler, başlaryňyzy galdyryň! Eý, gadymy gapylar, ýokary galyň! Şöhrat Şasy içerik girsin!

¹⁰ Bu şöhrat Şasy kim? Ol – Hökmürowan Reb we şöhrat Şasy.