Zebur 123 - Mukaddes Kitap

123‑nji mezmur

Dawudyň zyýarat nagmasy

¹ «Eger Reb tarapdarymyz bolmadyk bolsa, näme bolardy? – eý, Ysraýyl, jogap ber şuňa! –

² Reb tarapdarymyz bolmadyk bolsa, adamlar bize garşy aýaga galanlarynda,

³ bize garşy gaharlary ýanyp lowlanda, olar bizi diri ýalmap-ýuwdardy,

⁴ siller bizi syryp-süplärdi, suw akymy bizi girdabyna dolardy,

⁵ haýbatly suwlar üstümizden aşardy.

⁶ Bizi olaryň agzyna aw etmedik Rebbe alkyşlar bolsun!

⁷ Awçynyň duzagyndan guş kimin gaçyp gutuldyk: duzak gyryldy, biz hem gutuldyk.

⁸ Ýeri, gögi ýaradan Reb kömegimizdir».