Zebur 121 - Mukaddes Kitap

121‑nji mezmur

Dawudyň zyýarat nagmasy

¹ Maňa «Rebbiň öýüne gideli» diýenlerinde begendim.

² Eý, Iýerusalim! derwezeleriňden ätledi gadamlarymyz!

³ Iýerusalim bitewi bir şäher dek bina edilen.

⁴ Ysraýyla berlen kanuna görä, tireler, Reb tireleri ol ýere Rebbe şükürler etmäge gidýär.

⁵ Ol ýerde kazylyk tagty – Dawut öýüniň tagty bina edilen.

^6-7 «Seni söýýänler aman ýaşasyn! Diwarlaryňyň içinde parahatçylyk bolsun, gala diňlerinde howpsuzlyk bolsun!» diýip, Iýerusalimiň parahatlygy üçin doga-dilegler ediň.

⁸ Doganlarym bilen ýakynlarymyň hatyrasyna, «Sende rahatlyk bolsun!» diýýärin.

⁹ Hudaýymyň Rebbiň öýüniň hatyrasyna seniň amanlygyň üçin doga edýärin.