Zebur 115 - Mukaddes Kitap

115‑nji mezmur

¹ «Ejirlerim juda köp» diýip gürledim, ýöne şonda-da men iman etdim.

² Howsala düşen wagtymda: «Ähli ynsanlar ýalançy» diýdim.

³ Rebbiň maňa eden ýagşylyklarynyň öwezini nädip dolaýyn?

⁴ Gutulyş pyýalasyny galdyryp, Rebbim diýip Ony çagyraryn.

⁵ Bütin halkynyň öňünde Rebbe eden kasamlarymy berjaý ederin.

⁶ Rebbiň sadyklarynyň ölümi Onuň üçin nähili agyr!

⁷ Ýa Reb! Men Seniň bendäň, men Seniň bendäň, Seniň gyrnagyň ogly; Sen zynjyrlarymy gyryp taşladyň.

⁸ Saňa şükür gurbanlygyny hödür ederin, Rebbiň adyny men çagyraryn.

^9-10 Bütin halkynyň öňünde, Reb öýüniň howlularynda, eý, Iýerusalim, seniň içiňde, Rebbe eden kasamlarymy berjaý ederin. Rebbe şan-şöhrat bolsun!