Zebur 112 - Mukaddes Kitap

112‑nji mezmur

¹ Rebbe şan-şöhrat bolsun! Eý, Rebbe hyzmat edýänler, şöhratlandyryň, Rebbiň adyna şan-şöhrat bolsun!

² Şindiden ebedä çenli Rebbiň ady alkyşly bolsun!

³ Günüň dogýan ýerinden batýan ýerine çenli, Rebbiň adyna şan-şöhrat bolsun!

⁴ Reb ähli milletlerden belentde, Onuň şan-şöhraty gökler üstünde.

⁵ Eýsem Hudaýymyz Reb kimin barmy? Ol göklerde oturan bolsa-da,

⁶ eglip, göge, ýere nazar aýlaýar.

⁷ Ol garyplary ýerden galdyrýar, mätäçleri kül içinden çykarýar,

⁸ olary şazadalaryň ýanynda, Öz halkynyň şazadalary bilen oturdýar.

⁹ Önelgesiz aýalyň öýüni dikýär, ony çagalaryna guwandyryp, bagtyýar edýär. Rebbe şan-şöhrat bolsun!