فیلیمون 1 - مُقادِّس کیتاب1-2 عیسی مسیح اوغروندا زینداندا اُتوران مِن پولسدِن عزیز دُستومیز و هِمکَریمیز فیلیمونا، آیال دُغانیمیز آپفیا و جِنگده یالی یُلداشیمیز آرخیپوسا و سِنینگ اُیونگده بُلیان کِلیساسینا دُغایی سالام! دُغانیمیز تیموتاوس هِم سیزه سالام آیدیار. 3 آتامیز خودایینگ و تانگریمیز عیسی مسیحینگ مِرحِمِتی و پاراحاتلیغی، قُی، سیزه بُلسون! شوکورلِر و دُغالار 4-5 مِن سِنینگ تانگریمیز عیسی مسیحه بُلان ایمانینگ و هِمّه خودایینگ خالقینا بُلان سُیگینگ حاقیندا اِشیدیَرین. شُنگا گُرَه-ده، سِنی هِمیشه دُغالاریمدا یادلاپ، خوداییما شوکور اِدیَرین. 6 مِن بیزی بیرلِشدیریَن ایمانا گُرَه حِرِکِت اِتمِگینگی خودایدان دیلِیَرین. شُندا سِن عیسی مسیحه خیدمات اِتمِک اوچین اِدیلمِلی یاخشی ایشلِره کَمیل دوشونِرسینگ. 7 اِی دُغانیم، سِن خودایینگ خالقینی سُیوپ، اُنونگ گُونونی تَزه‌لِندیردینگ. بو مانگا اولی شاتلیق و یورِگیمه تِسِلّی بِردی. پولسینگ اونِسیموس باراداقی خاییشی 8 مِن عیسی مسیحینگ مانگا بِریَن ایختییاری بیلِن سانگا اِتمِلی ایشلِرینگی تابشیریپ-دا بیلِردیم، 9 یُنه سُیگینینگ خاطیراسینا سانگا یالباریارین. هاووا، عیسی مسیحینگ اوغروندا زینداندا اُتوران مِن قارّی پولس، 10 زیندانلیق زامانیمدا مانگا اُغول بُلان اونِسیموس اوچین یالباریارین. 11 بیرواقتلار اُنونگ سانگا هیچ پِیداسی یُقدی، اِمّا ایندی اُنونگ سانگا-دا، مانگا-دا پِیداسی یِتِر. 12 یورِگیمینگ بُلِگی بُلان اونِسیموسی ایزینا، سِنینگ یانینگا یُلّایارین. 13 خوش خابار اوغروندا زیندان اِدیلِن زامانیمدا سِنینگ یِرینگه مانگا خیدمات اِتسین دییّپ، اَوَّل اُنی اُز یانیمدا آلیپ قالماقچیدیم. 14 یُنه اِتجِک یاخشیلیغینگ مِجبوری دَل-ده، اُز ایسلِگین بُلار یالی، سِن بیلِن راضیلاشمان هیچ بیر زات اِدِسیم گِلمِدی. 15 کیم بیلیَر، بِلکی، اونِسیموسینگ هِمیشه‌لیک سانگا دُلانیپ بارماغی اوچین، اُل سِندِن آز واقتلایین آیریلاندیر. 16 اُل ایندی دینگه قولونگ یالی دَل، اُندان باشغا سُیگولی دُغانینگ یالی بُلدی. اُل مِنینگ اوچین خاص عزیزدیر. اِمّا اُل هِم اینسانینگ، هِم-ده مسیحده دُغانینگ بُلوپ، سِنینگ اوچین خاص-دا عزیزدیر. 17 شُنگا گُرَه-ده، مِنی دُغان حُکمونده گُریَن بُلسانگ، اُنی مِنی قابول اِدیَن یالی قابول اِت. 18 اِگِر اونِسیموس سِبَپلی زییان چِکِن بُلسانگ یا-دا اُندان آلغینگ بار بُلسا، اُلاری مِنینگ حاسابیما یاز. 19 مِن، پولس، مونی اُز اِلیم بیلِن یازیارین: مِن اونِسیموسینگ بِرگیسینی بِرِرین. یُنه سِن هِم آزاد بُلماغینگا مِنینگ یاردیم بِرِندیگیمی اونوتما! 20 شُنگا گُرَه-ده، اِی دُغان، خودایینگ حاقی اوچین مانگا یاردیم اِت. مسیحینگ خاطیراسی اوچین گُونومی تَزه‌لِندیر. 21 سُزومه قولاق آسجاقدیغینگا، آیدانلاریمی کَنرَک یِرینه یِتیرجِکدیگینگه گُزوم یِتِنسُنگ، شولاری سانگا یازیارین. 22 یِنه بیر خاییشیم بار، مِنی میهمان آلار یالی بیر اُتاقی تاییارلاپ قُی، سِبَبی خودای دُغالارینگیزی اِشیدیپ، مِنی یِنه یانینگیزا قایتارار دییِن اومیدیم بار. 23-24 عیسی مسیحینگ اوغروندا مِنینگ بیلِن زینداندا بیله بُلیان اِپافراس، هِمکَرلِریم مَرقُس، آریستارخوس، دیماس و لوقا سانگا سالام آیدیارلار. 25 تانگریمیز عیسی مسیحینگ مِرحِمِتی سیزینگ بیلِن بُلسون! |
© Turkmen Truth