Zebur 98 - Мукаддес Китап

98‑нҗи мезмур

¹ Реб хөкүм сүрйәр, халклар, гой, галпылдасын! Ол керуплар арасында тагт гуруп отыр, гой, ер титресин!

² Реб Сионда бейикдир, әхли халклардан бейгелдилендир.

³ Гой, олар өвсүнлер Сениң бейик, горкунч адыңы, Сен – мукаддес хем-де гудратлы!

⁴ Сен адалаты сөййән Патыша: йүз гөрмезлиги, адалаты, догрулыгы беркарар этдиң; булары Якуп неслинде Сен амал этдиң.

⁵ Худайымыз Ребби бейгелдиң, Онуң аягына йыкылып, сиз сежде эдиң: мукаддесдир Ол!

⁶ Руханыларының арасында Муса, Харун бар, Ребби чагырянларың арасында Шамувел хем бар. Олар Реббе дога этдилер, Ол җогап берди.

⁷ Ол олара булут сүтүнинден гүрледи, олар Онуң берен дүзгүнини, парзларыны саклады.

⁸ Эй, Худайымыз Реб, Сен җогап бердиң. Сен этмишлери үчин җеза берсең-де, олар үчин багышлайҗы Худай болансың.

⁹ Худайымыз Ребби бейгелдиң, Онуң мукаддес дагында сиз сежде эдиң. Мукаддесдир Худайымыз Реб!