Zebur 92 - Мукаддес Китап

92‑нҗи мезмур

¹ Реб хөкүм сүрйәр, Ол шөвкете бесленен. Реб гудрата бесленен, оны гушанан – дүнйә бина эдилен, асла сарсмаз Ол.

² Сениң тагтың овалдан бина эдилен, Сен барсың эзелден бәри.

³ Я Реб, силлер бейгелди, силлер өз сесини гаталтды, силлер гүввүлдисини артдырды.

⁴ Эмма әгирт сувлар сесинден, кувватлы деңиз толкунларындан, бейикдәки Реб хас кувватлыдыр.

⁵ Сениң дүзгүнлериң өрән әхтибарлыдыр. Я Реб, мукаддеслик өйүңе бакы махсусдыр.