Zebur 52 - Мукаддес Китап

52‑нҗи мезмур

¹ Айдымчылар топарының ёлбашчысына. Үфленип чалынян саз гуралында. Маскил. Давудың мезмуры.

² Акмаклар йүрегинде: «Худай ёк» диййәрлер. Олар азярлар ве йигренҗи ишлери эдйәрлер; ягшылык эдйән ёк.

³ Пайхаслы ве Худайы агтарян бармыка дийип, Худай гөклерден адамзада назар айлаяр.

⁴ Оларың хеммеси ёлдан чыкдылар, бары дең дереҗеде харам болдулар; ягшылык эдйән ёк, ёк еке бири-де.

⁵ Эйсем дүшүнмейәрми әхли беткәрлер? Олар халкымы чөрек ялы иййәрлер хем-де Худайы чагырмаярлар.

⁶ Олар горкы ёк ерде горка дүшерлер, чүнки Худай сени габанларың сүңклерини дагадар. Сен олары галдырарсың уяда, чүнки олары Худай рет этди.

⁷ Вах, гелседи Сиондан Ысрайыл еңши! Худай халка өңки абаданчылыгыны гайтарып беренде, Якуп бегенер, Ысрайыл хем шатланар.