Zebur 150 - Мукаддес Китап

150‑нҗи мезмур

¹ Реббе шан-шөхрат болсун! Оны мукаддес өйүнде шөхратландырың, Оны кувватлы гөклеринде шөхратландырың!

² Оны гудратлы ишлери үчин шөхратландырың, Онуң аҗайып белентлигине лайык шөхратландырың!

³ Оны сурнайларың сеси билен шөхратландырың, арфада ве лирада шөхратландырың!

⁴ Депрек какып, танс эдип, шөхратландырың, киришли гурал, түйдүк чалып, шөхратландырың!

⁵ Оны овазлы кимваллар билен шөхратландырың, Оны белент овазлы кимваллар билен шөхратландырың!

⁶ Бурнунда дирилик непеси боланларың бары, Ребби шөхратландырсын! Реббе шан-шөхрат болсун!