Zebur 147 - Мукаддес Китап

147‑нҗи мезмур

¹ Эй, Иерусалим, Реббе өвги айт! Эй, Сион, Худайыңа шан-шөхрат болсун!

² Чүнки Ол дервезелериңиң килтлерини беркидйәр, галадакы чагаларыңа ак пата берйәр.

³ Чәклериңде парахатлыгы беркарар эдйәр, сайлама бугдайдан сени доюряр.

⁴ Ол буйрукларыны ере гөндерйәр, Онуң сөзи тизлик билен яйраяр.

⁵ Гар ягдырып, ери ак ёргана бүрейәр, күл кимин гыравы Ол сепелейәр.

⁶ Бузларыны парчалап, ере ташлаяр, Реббиң аязына дөз гелҗек бармы?

⁷ Ол буюряр, бузлар эрейәр, ел өсдүрип, сувлар акдыряр.

⁸ Ол Якуп халкына ыглан эдйәр сөзүни, Ысрайыла – парзларыны ве хөкүмлерини.

⁹ Реб башга хич миллете шейле этмейәр, олар Онуң адалатлы хөкүмлерини билмейәр. Реббе шан-шөхрат болсун!