Zebur 146 - Мукаддес Китап

146-нҗы мезмур

¹ Реббе шан-шөхрат болсун! Чүнки Худайымызы нагма билен өвмек ягшыдыр, леззетлидир, Ол өвгүлере лайыкдыр.

² Реб Иерусалими бина эйлейәр, Ысрайылың пытранларыны җемлейәр.

³ Гөвни сыныклара Ол шыпа берйәр, оларың яраларыны даңяр.

⁴ Йылдызларың саныны Ол хасаплаяр, оларың әхлисини Ол атландыряр.

⁵ Реббимиз бейикдир, кувваты көпдүр, пайхасының хич чәги ёкдур.

⁶ Реб песпәллери галдыряр, Ол эрбетлери ере пылчаяр.

⁷ Реббе шүкүр нагмаларыны айдың, Худайымыза лирада мукамлар чалың!

⁸ Ол гөклери булутлара бүрейәр, топрак үчин ягышлары тайынлап гойяр, байырларда гөк отлары гөгердйәр.

⁹ Ол хайванлара, җүйгүлдешйән гарга чагаларына оларың рыскыны берйәр.

¹⁰ Ол не бедевиң гүйҗүнден вагтыхош боляр, не-де уршуҗының аягындан кейпи чаг боляр.

¹¹ Реб Өзүнден горкянлардан, Онуң садык сөйгүсине умыт баглаянлардан, кейпи чаг боляр.