Нехемя 12 - Мукаддес Китап

12‑нҗи бап

¹ Шеялтыелиң оглы Зерубабыл ве Ешува билен гелен руханылардыр левилер: Серая, Ермея, Эзра,

² Амаря, Маллук, Хатуш,

³ Шеканя, Рехум, Меремот,

⁴ Ыдо, Гинетой, Абыя,

⁵ Миямын, Магадя, Билга,

⁶ Шемагя, Ёярып, Едая,

⁷ Саллу, Амок, Хилкия, Едая. Ешуваның дөврүнде булар өз доганларының ве руханыларың баштутанларыдылар.

⁸ Левилер: Ешува, Биннуй, Кадмыел, Шеребя, Яхуда ве Матаня өз доганлары билен шүкүр эдиленде ёлбашчылык эдйәрдилер.

⁹ Оларың доганлары Бакбукя билен Унны хем ыбадат эдиленде оларың гаршысында дурардылар.

¹⁰ Ешува Ёякымың атасыдыр. Ёякым Эляшыбың атасыдыр. Эляшып Ёяданың атасыдыр.

¹¹ Ёяда Ёнатаның атасыдыр. Ёнатан Ядуваның атасыдыр.

¹² Ёякымың баш руханы болан дөврүнде шу руханылар уругбашылар болупдылар: Серая уругындан Мерая, Ермея уругындан Хананя,

¹³ Эзра уругындан Мешуллам, Амаря уругындан Ехоханан,

¹⁴ Мелику уругындан Ёнатан, Шебаня уругындан Юсуп,

¹⁵ Харым уругындан Адна, Мераёт уругындан Хелкай,

¹⁶ Ыдо уругындан Закаря, Гинетон уругындан Мешуллам,

¹⁷ Абыя уругындан Зикри, Минямын уругындан ве Могадя уругындан Пилтай,

¹⁸ Билга уругындан Шаммува, Шемагя уругындан Ёнатан,

¹⁹ Ёярып уругындан Матенай, Едая уругындан Узы,

²⁰ Саллай уругындан Каллай, Амок уругындан Эбер,

²¹ Хилкия уругындан Хашабя, Едая уругындан Нетанел.

Руханы ве леви уругларының язгысы

²² Бу язга Эляшыбың, Ёяданың, Ёхананың ве Ядуваның дөврүнде леви уругбашылары гиризилди. Шейле хем Дарюш парсың дөврүне ченли болан руханылар язылды.

²³ Левилериң уругбашылары тарых язгыларына Эляшыбың оглы Ёхананың дөврүне ченли язылгыдылар.

²⁴ Левилер баштутанлары Хашабя, Шеребя ве Кадмыелиң оглы Ешува бир тарапда, доганлары-да бейлеки тарапда дуруп, Худайың гулы Давудың табшырышы ялы, гезек-гезегине алкыш окап, шүкүр эдйәрдилер.

²⁵ Матаня, Бакбукя, Абадя, Мешуллам, Талмон ве Акуп ыбадатхана дервезелериниң янындакы аммарлары гораян дервезебанларды.

²⁶ Бу адамлар Ёсадагың агтыгы Ешуваның оглы Ёякымың хем-де хәким Нехемяның, шейле-де руханы, мүрзе Эзраның дөврүнде яшадылар.

Иерусалимиң дивары Худая багыш эдилйәр

²⁷ Иерусалим дивары Худая багыш эдиленде, левилери Иерусалиме гетирҗек болуп, әхли ерлерден гөзледилер. Левилер шатлык, шүкүрлердир ве айдымлар билен кимваллар, арфалар ве лиралар билен Иерусалим диварының багыш эдилиш дабарасыны беллемек үчин герекди.

^28-29 Айдымчылар Иерусалимиң төверегиндәки ерлерден, нетофалыларың обаларындан, шейле хем Бейтгилгалдан, Геба ве Азмавет этрапларындан йыгнандылар. Чүнки айдымчылар Иерусалимиң төверегинде өзлерине обалар гурупдылар.

³⁰ Руханылар ве левилер өзлерини тәмизләнлеринден соң, халкы, дервезелери ве дивары-да тәмизледилер.

³¹ Соңра мен Яхуда баштутанларыны дивара чыкардым. Дабаралы йөриш эдип, шүкүр эдйән ики улы топары белледим. Оларың бири диварың үсти билен сага, Дөкүн дервезесине тарап гитди.

³² Оларың ызындан Хошагя ве Яхуда баштутанларының ярысы,

³³ Азаря, Эзра, Мешуллам,

³⁴ Яхуда, Бенямин, Шемагя ве Ермея гитди.

³⁵ Шейле хем эллери сурнайлы кәбир руханы огуллары: Шемагяның агтыгы, Ёнатаның оглы Закаря. Онуң ата-бабаларына Асафың уругындан Матаня, Микая ве Закур дегишлидир.

³⁶ Онуң гарындашлары: Шемагя, Азарел, Милалай, Гилалай, Магай, Нетанел, Яхуда ве Хананы дагы йөредилер. Оларың эллеринде Худайың адамы Давудың саз гураллары барды. Мүрзе Эзра хем оларың өңүнден гитди.

³⁷ Булак дервезесиниң янында өңлериндәки Давут шәхерине элтйән басганчаклардан диварың учудына чыкдылар. Давудың көшгүниң үстүнден гүндогара тарап йөрәп, Сув дервезесине гелдилер.

³⁸ Шүкүр эдйәнлериң бейлеки топары диварың үсти билен йөрәп, чеп тарапа гитдилер. Менем халкың ярысы билен буларың ызындадым. Биз Тамдыр диңиниң үсти билен гечип, Гиң дивара ченли йөредик.

³⁹ Эфрайым дервезесиниң үстүнден Көне дервезесине, Балык дервезесине, Хананел диңине, Йүзлер диңине ве Гоюн дервезесине ченли гидип, Гаравул дервезесине етип дурдук.

⁴⁰ Шүкүр эдйәнлериң ики топары Худайың өйүнде дурды. Мен хем янымдакы баштутанларың ярысы билен дурдум.

^41-42 Мениң топарымда сурнай чалян шу руханылар барды: Элякым, Магасея, Минямын, Микая, Элёгейнай, Закаря, Хананя; айдымчылар: Магасея, Шемагя, Элгазар, Узы, Ехоханан, Малкыя, Эйлам ве Эзер барды. Айдымчылар өз ёлбашчылары Йизрахя билен айдым айтдылар.

⁴³ Шол гүн олар көп гурбанлыклар берип шатландылар. Чүнки Худай олара улы шатлык эчилипди. Аяллардыр чагалар-да шатланышып, Иерусалимиң шовхуны алыслардан эшидилди.

Ыбадатхана җогапкәрчиликлери

⁴⁴ Шол гүн ыбадатхана үчин берилйән гатанчларың, илкинҗи мивелериң ве ондан бирлериң сакланян аммарларына гөзегчилер гоюлды. Олар руханылар ве левилер үчин канун тарапындан галаларың мейданларына гөрә кесгитленен пайлары йыгнамалыдылар. Чүнки яхудалар руханыларың ве левилериң хызматындан хошалдылар.

⁴⁵ Олар айдымчылар билен дервезебанларың, Давудың ве оглы Сүлейманың табшырыгыны берҗай эдишлери ялы, өз Худайының хызматыны эдип, тәмизлик ишине серетдилер.

⁴⁶ Чүнки овалдан, Давудың ве Асафың гүнлеринде айдымчыларың ёлбашчысы барды. Худая алкыш ве шүкүр айдымлары айдылярды.

⁴⁷ Зерубабылың ве Нехемяның дөврүнде бүтин ысрайыл халкы айдымчылара ве дервезебанлара гүнделик пай берйәрди. Шейле хем ысрайыллар левилере дегишли пайы айры гойярдылар. Левилер хем Харуның несиллерине дегишли пайы айры гойярдылар.