Hoşeýa 3 - Мукаддес Китап

3‑нҗи бап Хошея ене-де вепасыз аял аляр

¹ Реб маңа шейле дийди: «Сен ене гит-де, аялыңы гетир. Ойнашы болса-да, зына этсе-де, оны сөй. Ине, ысрайыл халкы-да башга худайлара көңүл берип, бутлара кишмишли күлчелери хөдүр этмеги халаярлар. Эмма Мен шонда-да олары сөййәрин».

² Мен аялы он бәш күмүш теңңә ве он бәш батман арпа сатын алдым.

³ Мен аяла шейле дийдим: «Сен маңа узак гарашмалы, сен башга билен азгынчылык этме. Мен хем саңа якынлашмарын».

^4-5 Чүнки ысрайыллар узак вагтлап патышасыз, хөкүмдарсыз, гурбанлыксыз, дикме дашсыз, эфотсыз, бутсуз яшарлар. Шондан соң ысрайыллар доланып, өз Худайы Ребби хем патышасы Давуды гөзләрлер. Ахыркы гүнлерде болса олар Ребден горкуп, Худайың ялкавына доланарлар.