Саннар 26 - Изге Язма

Исраилиләрнең санын икенче тапкыр исәпкә алу

¹ Менә шул үләттән соң Мусага һәм Һарун углы рухани Элгазарга Раббы болай диде:

² – Сугышка яраклы, яше егермедән узган Исраил ирләренең һәммәсен гаиләләре буенча исәпкә алыгыз.

³ Мәаб үзәнлегендә, Үрдүн елгасы янындагы Әрихә каршында Муса белән рухани Элгазар исраилиләргә:

⁴ – Раббының Мусага әмер итүенчә, яше егермедән узган ирләрнең һәммәсен исәпкә алыгыз, – диделәр. Мисыр җиреннән чыккан исраилиләр түбәндәгеләр.

⁵ Исраилнең беренче углы – Рубин. Рубин токымы: Ханохтан – Ханох кабиләсе, Паллудан – Паллу кабиләсе;

⁶ Хесроннан – Хесрон кабиләсе, Кәрмидән – Кәрми кабиләсе.

⁷ Рубин ыругы әнә шулардан гыйбарәттер; исәпкә алынган кешеләрнең саны кырык өч мең җиде йөз утыз булды.

⁸ Паллуның Элиаб исемле углы бар иде.

⁹ Элиабның угыллары: Немуил, Датан һәм Абирам. Датан белән Абирам, җитәкчеләрдән булып, Корах тарафдарлары белән бергә Раббыга каршы баш күтәргәннәр һәм Муса белән Һарунга ризасызлык белдергәннәр иде.

¹⁰ Шул вакытта җир, ярылып китеп, аларны йоткан – Корах һәм аның барлык тарафдарлары һәлак булган, һәм, башкаларга гыйбрәт булсын өчен, ике йөз илле кешене ялкын көйдереп үтергән иде.

¹¹ Әмма ул көнне Корах угыллары исән калды.

¹² Шимун ыругындагы кабиләләр: Немуилдән – Немуил кабиләсе, Яминнән – Ямин кабиләсе, Яхиннән – Яхин кабиләсе,

¹³ Зерахтан – Зерах кабиләсе, Шаулдан – Шаул кабиләсе.

¹⁴ Шимун ыругында егерме ике мең ике йөз кеше исәпләнде.

¹⁵ Гәд ыругындагы кабиләләр: Сефоннан – Сефон кабиләсе, Хәггидән – Хәгги кабиләсе, Шунидан – Шуни кабиләсе,

¹⁶ Ознидән – Озни кабиләсе, Эридән – Эри кабиләсе,

¹⁷ Арудидән – Аруди кабиләсе, Арелидән – Арели кабиләсе.

¹⁸ Гәд ыругы әнә шулардан гыйбарәттер; исәпкә алынган кешеләрнең саны кырык мең биш йөз булды.

¹⁹ Эр һәм Онан – Яһүдә угыллары, әмма алар Кәнган җирендә үлеп калдылар.

²⁰ Яһүдә ыругындагы кабиләләр: Шеладан – Шела кабиләсе, Перестан – Перес кабиләсе, Зерахтан – Зерах кабиләсе.

²¹ Перес токымы: Хесроннан – Хесрон кабиләсе, Хамулдан – Хамул кабиләсе.

²² Яһүдә ыругы әнә шулардан гыйбарәттер; исәпкә алынган кешеләрнең саны җитмеш алты мең биш йөз булды.

²³ Исәсхәр ыругындагы кабиләләр: Толадан – Тола кабиләсе, Пуаһтан – Пуаһ кабиләсе,

²⁴ Яшубтан – Яшуб кабиләсе, Шимроннан – Шимрон кабиләсе.

²⁵ Исәсхәр ыругы әнә шулардан гыйбарәттер; исәпкә алынган кешеләрнең саны алтмыш дүрт мең өч йөз булды.

²⁶ Зәбулун ыругындагы кабиләләр: Середтан – Серед кабиләсе, Элоннан – Элон кабиләсе, Яхлелдан – Яхлел кабиләсе.

²⁷ Зәбулун ыругы әнә шулардан гыйбарәттер; исәпкә алынган кешеләрнең саны алтмыш мең биш йөз булды.

²⁸ Йосыф угыллары Менашше һәм Эфраим ыругларындагы кабиләләр түбәндәгечә.

²⁹ Менашше токымы: Мәкирдән – Мәкир кабиләсе, Мәкир – Гилыгадның атасы булган; Гилыгадтан – Гилыгад кабиләсе.

³⁰ Гилыгад токымы: Игызырдан – Игызыр кабиләсе, Хелыктан – Хелык кабиләсе,

³¹ Асриелдән – Асриел кабиләсе, Шәкемнән – Шәкем кабиләсе,

³² Шемидәдән – Шемидә кабиләсе, Хепердан – Хепер кабиләсе.

³³ Хепер углы Селупхадның угыллары булмады, бары тик кызлары гына бар иде. Селупхад кызларының исемнәре: Махла, Ноа, Хөглә, Милкә һәм Тирса.

³⁴ Менашше ыругы әнә шулардан гыйбарәттер; исәпкә алынган кешеләрнең саны илле ике мең җиде йөз булды.

³⁵ Эфраим ыругындагы кабиләләр: Шутелахтан – Шутелах кабиләсе, Бәхердән – Бәхер кабиләсе, Таханнан – Тахан кабиләсе.

³⁶ Шутелах токымы: Эраннан – Эран кабиләсе.

³⁷ Эфраим ыругы әнә шулардан гыйбарәттер; исәпкә алынган кешеләрнең саны утыз ике мең биш йөз булды. Йосыф ыругындагы кабиләләр әнә шулар иде.

³⁸ Беньямин ыругындагы кабиләләр: Беладан – Бела кабиләсе, Ашбелдан – Ашбел кабиләсе, Ахирамнан – Ахирам кабиләсе;

³⁹ Шефуфамнан – Шефуфам кабиләсе, Хуфамнан – Хуфам кабиләсе.

⁴⁰ Беланың Ард исемле углыннан – Ард кабиләсе, ә Нагаман исемле углыннан – Нагаман кабиләсе.

⁴¹ Беньямин ыругы әнә шулардан гыйбарәттер; исәпкә алынган кешеләрнең саны кырык биш мең алты йөз булды.

⁴² Дан ыругындагы кабиләләр: Шухамнан – Шухам кабиләсе. Дан ыругы әнә шулардан гыйбарәттер;

⁴³ исәпкә алынган кешеләрнең саны алтмыш дүрт мең дүрт йөз булды. Болар барысы да Шухам токымы иде.

⁴⁴ Ашер ыругындагы кабиләләр: Имнадан – Имна кабиләсе, Ишвидән – Ишви кабиләсе, Беригадан – Берига кабиләсе,

⁴⁵ Берига токымы: Хебердан – Хебер кабиләсе, Малкиелдән – Малкиел кабиләсе.

⁴⁶ Ашер кызының исеме – Серах.

⁴⁷ Ашер ыругы әнә шулардан гыйбарәттер; исәпкә алынган кешеләрнең саны илле өч мең дүрт йөз булды.

⁴⁸ Нәптали ыругындагы кабиләләр: Яхсиелдән – Яхсиел кабиләсе, Гүнидән – Гүни кабиләсе,

⁴⁹ Есердан – Есер кабиләсе, Шиллемнан – Шиллем кабиләсе.

⁵⁰ Нәптали ыругы әнә шулардан гыйбарәттер; исәпкә алынган кешеләрнең саны кырык биш мең дүрт йөз булды.

⁵¹ Исәпкә алынган Исраил угылларының саны алты йөз бер мең җиде йөз утыз булды.

⁵² Раббы Мусага әйтте:

⁵³ – Биләмә җирләре ыругтагы кешеләр санынча бүленергә тиеш.

⁵⁴ Зур ыругка җирне күбрәк итеп, ә кечкенәсенә азрак итеп бир; биләмәгә җир ыругтагы кешеләр санына карап бирелергә тиеш.

⁵⁵ Җирне шобага салып бүлегез. Биләмә җире ыругтагы кешеләр санынча бүленсен.

⁵⁶ Зур ыруглар да, кечкенә ыруглар да биләмәгә җирне шобага буенча алсыннар.

⁵⁷ Леви ыругында исәпкә алынган кабиләләр: Гершоннан – Гершон кабиләсе, Коһаттан – Коһат кабиләсе, Мераридән – Мерари кабиләсе.

⁵⁸ Либни, Хебрун, Махли, Муши, Корах кабиләләре дә Леви ыругыныкы. Коһат – Амрамның атасы.

⁵⁹ Мисырда туган Леви кызы Йөхәбәд Амрамның хатыны иде. Амрамга ул Һарунны, Мусаны һәм аларның кыз туганы Мәрьямне табып бирә.

⁶⁰ Һарунның угыллары: Надаб, Абиһу, Элгазар һәм Итамар.

⁶¹ Әмма Надаб белән Абиһу Раббы рөхсәт итмәгән утны Аның хозурына алып килгән өчен һәлак булганнар иде.

⁶² Леви ыругындагы бер айлык һәм аннан өлкәнрәк ирләрнең саны егерме өч мең булды. Алар исраилиләр белән бергә исәпкә алынмады, чөнки исраилиләр арасында левиләргә биләмәгә җир бирелмәде.

⁶³ Муса белән рухани Элгазар тарафыннан исәпкә алынганнар әнә шулар булды. Исраилиләрне алар Мәаб үзәнлегендә, Үрдүн елгасы янындагы Әрихә каршында исәпкә алдылар.

⁶⁴ Муса белән рухани Һарун Синай чүлендә исәпкә алган исраилиләрдән берсе дә бу исемлеккә кермәде,

⁶⁵ чөнки алар хакында Раббы: «Алар һәммәсе дә чүлдә үләчәк», – дигән иде, һәм Ифунни углы Кәлеб белән Нун углы Ешуадан башка, алар арасыннан беркем исән калмады да.