I Елъязма 7 - Изге Язма

Исәсхәрнең нәсел шәҗәрәсе

¹ Исәсхәрнең дүрт углы бар иде: Тола, Пуаһ, Яшуб, Шимрон.

² Толаның угыллары: Уззи, Репая, Яриел, Яхмай, Ибсам, Шемуил; болар гаилә башлыкларыдыр. Давыт заманында Тола нәселеннән гаскәриләр саны егерме ике мең алты йөзгә җитте.

³ Уззинең углы: Израхия. Израхиянең угыллары: Микәил, Убадия, Йоил, Ишшия. Аларның бишесе дә гаилә башлыкларыдыр.

⁴ Хатыннары һәм балалары күп булганга, аларның, нәселнамәдән күренгәнчә, сугышка әзер утыз алты мең гаскәриләре бар иде.

⁵ Нәсел исемлегеннән күренгәнчә, Исәсхәр кабиләләрендә барлыгы сиксән җиде мең сугышчы бар иде.

Беньяминнең нәсел шәҗәрәсе

⁶ Беньяминнең өч углы бар иде: Бела, Бәхер, Едигаил.

⁷ Беланың биш угыл туды: Эсбон, Уззи, Уззиел, Яримут һәм Ири. Болар бишесе дә гаилә башлыклары вә батыр сугышчылар иде. Нәсел шәҗәрәләреннән күренгәнчә, аларның егерме ике мең дә утыз дүрт сугышчысы була.

⁸ Бәхернең угыллары: Земира, Йогаш, Элигызыр, Элиогынай, Омри, Еремот, Абия, Анатот, Алемет; болар барысы да Бәхер угылларыдыр.

⁹ Аларның нәсел шәҗәрәсендә гаилә башлыклары исеменнән тыш шулай ук егерме мең дә ике йөз сугышчы булуы теркәлгән.

¹⁰ Едигаилнең углы: Билһан. Билһанның угыллары: Игуш, Беньямин, Эһуд, Кенагана, Зетан, Таршиш, Ахишахар.

¹¹ Едигаилнең шушы нәсел варислары һәммәсе үз гаиләсенең башлыгы булып, аларда сугышка әзер унҗиде мең дә ике йөз гаскәри бар иде.

¹² Шуппим һәм Хуппим – Ирнең угыллары; Хушим исә Ахер углы иде.

Нәпталинең нәсел шәҗәрәсе

¹³ Нәпталинең Билһадан туган угыллары: Яхсиел, Гүни, Есер һәм Шаллум.

Менашшеның нәсел шәҗәрәсе

¹⁴ Менашшеның угыллары: арами кәнизәгеннән туган Асриел һәм Гилыгадның атасы Мәкир.

¹⁵ Хуппим һәм Шуппимгә хатыннарны Мәкир үзе табып биргән иде. Мәкирнең кыз кардәше Мәгакәһ исемле иде. Менашшеның икенче углы – Селупхад. Селупхадның кызлары гына туды.

¹⁶ Мәкир хатыны Мәгакәһ ике угыл – Переш һәм Шерешне тудырды. Шерешнең исә Улам һәм Рәкым атлы угыллары булды.

¹⁷ Уламның углы Бедан атлы иде. Менашше углы Мәкирдән дөньяга килгән Гилыгадның угыллары әнә шушылардыр.

¹⁸ Гилыгадның кыз туганы Һәммүлекет – Ишһуд, Абигызер һәм Махланы тапты.

¹⁹ Шемидәнең угыллары: Ахян, Шәкем, Ликхи һәм Анигам.

Эфраимнең нәсел шәҗәрәсе

^20-21 Эфраимнең угыллары: Шутелах, Эзер һәм Элгад. Шутелахтан соң нәсел җебенең дәвамы: Беред, Тахат, Элгада, Тахат, Забад, Шутелах. Эзер белән Элгад, Гәттә яшәүчеләрнең терлекләрен көтүлектән урлаган чакта тотылып, шулар кулыннан әҗәлән тапты.

²² Аларны югалткан кайгыдан аталары Эфраим ничәмә көннәр буена яшь түкте; ир туганнары аны юатырга килделәр.

²³ Күпмедер вакыт узгач, Эфраим хатыны янына кереп ятты, һәм хатыны, авырга узып, ир бала тапты. Эфраим аңа Берига дип исем кушты, чөнки йортына бәла килгән иде.

²⁴ Аның Шеһера атлы кызы да туды; шул кыз Түбән һәм Югары Бәйт-Хорун, Уззен-Шеһера калаларын корды.

^25-27 Эфраимнең Рефах исемле углы булды. Шул Рефахтан соң нәсел җебенең дәвамы: Решеф, Телах, Тахан, Ладан, Аммиһуд, Элишама, Нун, Ешуа.

²⁸ Аларның биләгән җирләре һәм яшәгән урыннары: Бәйт-Эл, көнчыгышта – Нагаран, көнбатышта – Газер, Шәкемнән алып Әйя каласына кадәр. Әлеге шәһәрләр тирәсендәге авыллар да аларның җирләре санала иде.

²⁹ Менашше ыругы Бәйт-Шан, Тәгънәк, Мегиддо, Дор һәм әлеге шәһәрләр тирәсендәге авылларга хуҗа иде. Шушы калаларда Исраил углы Йосыф нәселе яшәде.

Ашерның нәсел шәҗәрәсе

³⁰ Ашерның угыллары: Имна, Ишва, Ишви, Берига. Аларның кыз туганы Серах атлы иде.

³¹ Бериганың угыллары: Хебер һәм Малкиел. Малкиел – Бирзаитнең,

³² ә Хебер – Яфлетның, Шомерның, Хотамның һәм аларның кыз туганы Шуганың атасы иде.

³³ Яфлетның угыллары: Пасак, Бимһал һәм Ашват; Яфлетның угыллары әнә шулар.

³⁴ Шомерның угыллары: Ахи, Роһга, Хубба һәм Арам.

³⁵ Шомерның ир кардәше Һелемнең угыллары: Сопа, Имна, Шелеш һәм Амал.

³⁶ Сопаның угыллары: Суах, Харнефер, Шугал, Бери, Имра,

³⁷ Бесер, Һод, Шамма, Шилша, Итран һәм Беһерә.

³⁸ Етерның угыллары: Ифунни, Писпа һәм Ара.

³⁹ Улланың угыллары: Арах, Ханниел һәм Рисия.

⁴⁰ Болар һәммәсе – Ашер нәселенең гаилә башлыклары, батыр сугышчылар вә мәшһүр юлбашчылар. Нәсел исемлегендә теркәлгәнчә, аларда сугышка яраклы егерме алты мең гаскәри бар иде.