Әюб 25 - Изге Язма

Билдадның өченче нотыгы Хакимлек вә дәһшәт – Аңарда

¹ Шуахлы Билдад болай дип җавап бирде:

² «Хакимлек вә дәһшәт – Аңарда, Үзенең биеклегендә иминлек урнаштыра Ул!

³ Гаскәрләре Аның санап бетерерлекме?! Нурының балкышы кемгә генә төшми!

⁴ Шулай икән, Аллаһы каршында кеше ничек тәкъва була алыр?! Хатын-кыздан туган кеше ничек саф булыр?!

⁵ Кара, Аллаһы каршында хәтта ай да якты түгел, йолдызлар да тонык.

⁶ Ә кеше дигәнең – бары суалчан, адәм баласы – бер бөҗәктер».