Yowele 3 - MUKANDA WA MYIDI MUKULU

Maweja-Nangila neapeshe bantu bonsu Mueyelu wende

¹ Maweja-Nangila udi wamba ne: “Tshikondu netshifike tshindi mpesha muntu yonsu Mueyelu wanyi. Bana benu ba balume ne ba bakaji nebamanyishe bantu malu mu dina dianyi; bakulumpe benu nebalote bilota; bansonga benu nebamone malu adi Mvidi Mukulu uleja.

² Nansha bena mudimu balume ne bakaji, nembapeshe Mueyelu wanyi.

³ Nengenze malu a kukema mu diulu ne pa buloba. Nekuikale mashi, kapia, ne mavuba a muinshi.

⁴ Dituku dia Maweja-Nangila kadiyi dianji kufika, dituku dinene didi dikuatshisha bantu bowa, diba nedibuitshidile, ngondu neakunzubile bu mashi.”

⁵ Nanku muntu yonsu udi utela dina dia Maweja-Nangila, nebamusungidile. Bualu bamue nebapanduke ku dikenga mu Yerushalayime ne pa mukuna wa Siyone, bu muvua Maweja-Nangila mumane kulaya. Ke bantu badiye usungidila, bua bapete muoyi.