Rome 13 - MUKANDA WA MYIDI MUKULU

Tumikilayi bamfumu ba Mbulamatadi

¹ Muntu yonsu udi ne bua kutumikila bamfumu badi balombola ditunga. Bualu kakuena bumfumu budi kabuyi bufuma kudi Mvidi Mukulu. Yeye ke udi muteke bamfumu bonsu muaba wabu.

² Nenku, muntu udi ubenga diyi dia mfumu, udi ubenga kabidi bulongolodi bua Mvidi Mukulu. Badi babenga diyi dia mfumu, nebadikebele tshilumbu nkayabu.

³ Bualu bamfumu kabena bakuatshisha bantu badi benza malu mimpe buowa, kadi amu badi benza malu mabi. Wewe udi musue ne: tshitshinyi bamfumu ba ditunga nansha. Nanku enza malu mimpe, bamfumu nebakupe lumu.

⁴ Bualu bamfumu badi bakuatshila Mvidi Mukulu mudimu, bua kukusaka ku dienza dia malu mimpe. Kadi paudi wenza malu mabi, wabatshina! Bidi bimpe bua bamfumu bapete bumfumu bua kunyoka bantu. Ke mudibu bakuatshila Mvidi Mukulu mudimu, bua kuleja tshiji tshidiye ulekela badi benza bibi.

⁵ Ke mutudi ne bua kutumikila bamfumu. Katuenji nanku amu bua Mvidi Mukulu alekele kutunyoka nansha. Kadi kondu ketu ka munda kabidi katusake ku dienza dia malu mimpe.

⁶ Ke panudi nufuta bitadi, bualu bena mbulamatadi badi babilambuisha badi bakuatshila Mvidi Mukulu mudimu, bakeba kukumbaja bimpe mudimu wabu ewu.

⁷ Nulambuile bonsu binudi ne bua kubalambuila. Nulambule tshitadi kudi udi utshilambuisha. Nufute binudi ne bua kuhita. Nutshine unudi ne bua kutshina. Nunemeke unudi ne bua kunemeka.

Unange mukuenu

⁸ Kanuikadi dibanza ne muntu, pa kumusha dia dinangangana. Muntu udi unanga bakuabu, udi ukumbaja bionsu bidi mikenji Uufundila.

⁹ Bualu mikenji ya ne: “Kuendi buendenda, kushipi muntu, kuibi, kualakanyi tshintu tshia mukuenu,” ne mikuabu yonsu idi nudisange mu mukenji umuepele udi wamba ne: “Nanga mukuenu, muudi udinanga.”

¹⁰ Muntu udi unanga mukuabu, kena umuenzela bualu bubi nansha bumue. Patudi tunangangana, tudi tukumbaja mikenji yonsu mu bujima buayi.

Kristu neafike

¹¹ Ke binudi ne bua kuenza, nangananga bualu nudi bamanye tshikondu tshitudi natshi. Diba ndimane kufika dia nuenu kujuka ku tulu bienu. Bualu diba dituvua babange kuitaba, lupandu luvua kule, mpindiewu lukadi pabuipi.

¹² Butuku bukadi butshia. Munya ukadi pabuipi ne kutema. Nanku tubenge midimu idibu benza mu miidima. Tuvuale bia mvita bitudi mua kuluangana nabi mu munya.

¹³ Tuenze malu mimpe, bu bantu bakadi benda mu butoke bua dituku. Tulekelayi budiavi, bunuavi, malu a bundu, ne buenzavi bukuabu, matandu ne lubabu.

¹⁴ Vualayi amu Mfumu wetu Yezu Kristu, numufuane. Kanusumpakanyi bua kusankisha buntu buenu ne bijingajinga biabu.