Misambu 98 - MUKANDA WA MYIDI MUKULU

Elayi Maweja-Nangila tunkunduluila, nyewu uvua

1 Musambu

¹ Musambu Imbilayi Maweja-Nangila musambu mupiamupia, bualu udi muenze malu a dikema, ne meji ende ne bukole bua bu Mvidi Mukulu buende.

² Maweja-Nangila mmuleje bantu ne: udi Musungidi, mmuleje buakane buende.

³ Uvua muvuluke malu ende makane, ne bulelela buende kudi bena Izrayele. Bantu bonsu too ne ku ndekelu kua buloba, badi bamona Mvidi Mukulu wetu uvua mutusungidile.

⁴ Nuenu bantu ba pa buloba bujima, elelayi Maweja-Nangila tunkunduluila, nuele mbila ya disanka, numuimbile misambu.

⁵ Tumbishayi Maweja-Nangila ne lunkombe ne biombelu,

⁶ mutumbishayi ne tshiona ne mpungi ya biamu ne ya nsengu, nuele tunkunduluila kumpala kua Mukalenga Maweja-Nangila.

⁷ Mayi manene akungule ne bionsu bidimu, buloba kabidi ne bidi bisombapu.

⁸ Misulu ya mayi ikume bikashi, ne mikuna yonsu yele pamue mbila ya disanka,

⁹ kumpala kua Maweja-Nangila, bualu udi ufika. Udi ufika bua kukosa nsambu ya badi pa buloba, neikale mukoshi wa nsambu muakane wa bantu, mulumbuluishi wa bukua bisamba, kayi kansungansunga.