Misambu 93 - MUKANDA WA MYIDI MUKULU

Maweja-Nangila udi mukalenga

¹ Maweja-Nangila udi mukalenga, udi mudijingile butumbi bu mudibu badijingila tshilamba, udi muvuale bukole, bu mudibu bavuala mukaba. Buloba budi bushindame, kabuena mua kunyunga.

² Maweja-Nangila, nkuasa webe wa bumfumu mmujadika katshia ku kale, wewe udi Mvidi Mukulu matuku onsu.

³ Kale mayi manene malabale avua ela mikunda, avua ela mikunda ya tshiji. Adi mua kuela mikunda kashidi!

⁴ Maweja-Nangila, mulu muudi, udi mupite tshiona tshia mavuala, ne tshia mambuanki a mayi ku bukole.

⁵ Maweja-Nangila, mikenji yebe idi ya bushuwa, nzubu webe ikale nzubu wa tshijila tshiendelele.