Misambu 70 - MUKANDA WA MYIDI MUKULU

Maweja-Nangila, fika lukasa

¹ Musambu wa mu mukanda wa mulombodi wa bena misambu ne wa mu mukanda wa misambu ya Davide. Bua kuleja Mvidi Mukulu dikenga dianyi.

² Mvidi Mukulu wanyi, umpandishe, Maweja-Nangila, kolesha, ungambuluishe.

³ Badi basue kunshipa, bafue bundu, bapange tshia kuenza. Badi basanka bua dikenga dianyi, lumu lubupuke!

⁴ Badi banseka, bundu bubakuate, bapuwe!

⁵ Kadi bantu bebe bonsu basanke bikole bualu buebe, badi bakunanga, bakutumbishe matuku onsu. Mupandishi wetu, bambe ne: “Mvidi Mukulu mmunene!”

⁶ Meme ndi mupele ne muena dikenga. Mvidi Mukulu wanyi, fika lukasa. Udi ungambuluisha, undama, ngwewe, Maweja-Nangila, kunengi, luaku lubilu.