Misambu 67 - MUKANDA WA MYIDI MUKULU

Bisamba bionsu tumbishayi Mvidi Mukulu

¹ Musambu wa mu mukanda wa mulombodi wa bena misambu. Wa kuimba ne bisanji bia nshinga.

² Mvidi Mukulu wetu, utuleje muudi utunanga, utuele lupemba, ututangile ne luse.

³ Nanku pa buloba bujima nebamanye muudi utulombola. Bisamba bionsu nebimanye ne: udi utupandisha.

⁴ Mvidi Mukulu, bisamba bia bantu bikutumbishe, bisamba bionsu bikuele tuasakidila!

⁵ Mu matunga onsu bantu basanke, bakutumbishe, bualu udi ukosa nsambu ya bantu pa yoyi, ulombola bisamba bia bantu pa buloba bimpe.

⁶ Mvidi Mukulu, bukua panu bukutumbishe! Bisamba bionsu bikuele tuasakidila!

⁷ Buloba mbumeneshe biakudia bivule, nenku Mvidi Mukulu, Mvidi Mukulu wetu mmutuele lupemba!

⁸ Eyowa, Mvidi Mukulu mmutuele lupemba. Bantu bonsu nansha ba ku ntengu ya buloba, bitabe bumfumu buende, bamutshine!