Misambu 61 - MUKANDA WA MYIDI MUKULU

Anyisha, ngase mu nzubu muebe kashidi

1 Musambu wa mu mukanda wa

¹ Musambu wa mu mukanda wa mulombodi wa bena misambu. Wa kuimba ne bisanji bia nshinga. Musambu wa mu mukanda wa misambu ya Davide.

² Mvidi Mukulu wanyi, teleja miadi yanyi, umvua mundi nkusengelela.

³ Kunu ku ba bende, padi mioyi minshikile munda, ndi nkutendelela bua ungambuluishe, Umfikishe ku lubuebue lundi mua kusokomena, lundi tshiyi mua kudibandila.

⁴ Wewe udi muaba undi mua kunyemena, nzubu mutumbuke udi unjika kudi baluishi.

⁵ Anyisha, ngase mu nzubu muebe kashidi, nsokome mu mapuapua ebe.

⁶ Mvidi Mukulu, wewe uvua mumvue bimvua mukulaye. Uvua mumpeshe muaba mu buloba bua tshijila. bu muuvua mulaye bantu badi bakunemeka.

⁷ Vudijila mukalenga matuku, alale panu aboboke bobobo.

⁸ Ashale mu bukalenga kashidi, akuvuluke. Mvidi Mukulu wanyi, bu muudi umunanga, ukumbaje biuvua mulaye, umulame, akole bobobo.

⁹ Diba adi nenkuimbile, nkutumbishe amu kutumbisha ne bisanji ne misambu, nkumbaje matuku onsu bimvua mukulaye.