Misambu 53 - MUKANDA WA MYIDI MUKULU

Bantu mbabi

1 Musambu wa mu mukanda wa mulombodi wa bena misambu. Wa kuimba ne meyi a kanyinganyinga. Kasala ka mu mukanda wa misambu ya Davide .

¹ Musambu wa mu mukanda wa mulombodi wa bena misambu. Wa kuimba ne meyi a kanyinganyinga. Kasala ka mu mukanda wa misambu ya Davide.

² Bantu batshimbakane badi badiakuila ne: Mvidi Mukulu kenaku to. Bantu aba mbantu babi, badi benza malu mabi mapite. Nansha umue kena wenza tshidi Mvidi Mukulu musue.

³ Maweja-Nangila udi mu diulu, muinangila panshi bua kutentekela bantu: kumona ne kudi muntu wa meji, udi utendelela?

⁴ Kadi bonsu mbapambuke, bonsu mbena buenzayi. Kakuena udi wenza tshidi Mvidi Mukulu musue nansha umue.

⁵ Mvidi Mukulu udi wamba ne: “Bonsu badi bakengeshangana aba, kabena bumvue bualu nansha bumue. Badi badia bantu banyi bu mampa, babenga kuntendelela.”

⁶ Kadi bantu abu bavua kabayi batshina tshintu kumpala, nebakuatshike bowa mpindiewu, bualu Mvidi Mukulu neamuangalaje mifuba ya badi bakengesha bantu bende. Badi babalembakaja, bualu Mvidi Mukulu mmubabenge.

⁷ Wafuma ku Siyone bua kupandisha Izrayele nnganyi? Mvidi Mukulu neapatule bantu bende mu bupika. Diba adi ndelanganyi ya Yakobe neisanke, bena Izrayele nebatue tshianga.