Misambu 26 - MUKANDA WA MYIDI MUKULU

Mvidi Mukulu, umbingishe

1 Musambu wa mu mukanda wa misambu ya Davide.

¹ Musambu wa mu mukanda wa misambu ya Davide. Maweja-Nangila, umbingishe, bualu tshiena muenze bualu bubi nansha bumue. Ndi nkutekemena muanyi muonsu.

² Maweja-Nangila, unkonkonone, undumbuluishe, tangila munda muanyi majinga ne meji bindi nabi.

³ Ndi mvuluka diba dionsu muudi munnange. Ndi ngenda panu, bualu udi nanyi kashidi.

⁴ Tshiena ngendakana ne bantu babi, tshiena ngumvuangana ne bena mpala ibidi.

⁵ Ndi mbenga benji ba bibi, tshiena musue bantu badi kabayi bitaba Mvidi Mukulu.

⁶ Nengowe bianza, ndeja ne: tshiena ne bualu. Maweja-Nangila, nentendelele, nyungulukile tshilambuilu tshiebe.

⁷ Ndi nkuimbila, nkuela tuasakidila, mmanyisha bantu bia dikema biebe.

⁸ Maweja-Nangila, ndi mumanye nzubu uudi musombe, muaba uudi utuleja lumu luebe.

⁹ Kunshipi bu muena tshibawu, kungumushi panu bu mushipianganyi.

¹⁰ Ke bantu badi benzelangana bibi, bindila amu mabuejila.

¹¹ Ndi ngenda mu njila wa buakane. Maweja-Nangila, umfuile luse, umpandishe.

¹² Ndi ngimana pa muaba mukole, muaba udi bantu basangile nengele Maweja-Nangila tuasakidila.