Misambu 23 - MUKANDA WA MYIDI MUKULU

Maweja-Nangila, ke wanyi mundami

1 Musambu wa mu mukanda wa misambu ya Davide.

¹ Musambu wa mu mukanda wa misambu ya Davide. Maweja-Nangila, ke wanyi mundami. Nanku tshiakukenga tshintu.

² Udi umfila mu mpata ya bisosa bibishi, undadika talala pabuipi ne mayi.

³ Udi ufululula bukole buanyi. Udi undudika mu njila muakane bualu udi mulami wa bena Izrayele.

⁴ Nansha mpita mu lupongu lua miidima, tshiena mua kutshina bubi nansha bumue, bualu Maweja-Nangila udi wenda nanyi, undombola, unsungidila ku njiwu, ke bidi binsankisha

⁵ Udi untekela mesa, baluishi banyi batangile, undaba tshilabu tshia muenyi muimpe. ungelela maluvu dikopu tente.

⁶ Eyowa, matuku onsu antshidi ne muoyi, bulenga buebe ne luse nebikale nanyi. Maweja-Nangila, matuku anyi onsu a panu, nembuele amu mu nzubu muebe.