Misambu 20 - MUKANDA WA MYIDI MUKULU

Maweja-Nangila ambuluishe mukalenga

¹ Musambu wa mu mukanda wa misambu ya Davide, wa mu mukanda wa mulombodi wa misambu.

² Dituku diudi mu dikenga, Maweja-Nangila anyishe dilomba diebe. Mvidi Mukulu wa Yakobe akulame!

³ Akuambuluishe mu nzubu muende mudiye, akukuatshishe biangatshile mu Siyone!

⁴ Avuluke bionsu biuvua mumulambule, itabe milambu yebe ya kuosha!

⁵ Akupe bionsu biudi ujinga, akumbaje biudi wipatshila!

⁶ Nanku netuele mbila ya disanka, bualu neutshimune ne bukole bua Muena Kulu. Netusempele ne dibendela, tutumbishe Mvidi Mukulu wetu! Maweja-Nangila akumbaje bionsu biudi umulomba.

⁷ Mpindiewu ndi mumanye mudi Maweja-Nangila, wambuluisha mukalenga udiye mujidile, umuandamuina mu nzubu wende wa mu diulu, wenza malu a dikema bua kumusungidila.

⁸ Bamue badi batekemena ku matempu abu a mvita, bakuabu ku nyama yabu ya tubalu, kadi tuetu, Maweja-Nangila Mvidi Mukulu, ke bukole buetu!

⁹ Banga badi bakuluka, badishinda; tuetu tudi bashale bimane kulu.

¹⁰ Maweja-Nangila, ambuluishe mukalenga, atshimune! Tudi tukutendelela, utuitabe!