Misambu 16 - MUKANDA WA MYIDI MUKULU

Maweja-Nangila, undame

1 Kasala ka mu mukanda wa misambu ya Davide .

¹ Kasala ka mu mukanda wa misambu ya Davide. Mvidi Mukulu wanyi, undame, ndi nyemena kuudi.

² Ndi nkuambila ne: “Wewe ke Maweja-Nangila, bilenga bionsu bindi nabi mbifume kuudi.”

³ Bantu badi bitaba Mvidi Mukulu mbena diakalenga, ndi nsankila kudibu.

⁴ Bonsu badi bakeba bua mvidie mikuabu ibambuluishe, badi badikebela makenga. Mvidie eyi tshiena nyilambula milambu ya nyama, tshiena nansha ntela mena ayi.

⁵ Maweja-Nangila, wewe ke undi nende, bindi nkengela ndi mbipeta kuudi. Ndi mu bianza biebe kashidi.

⁶ Ke bidi binsankisha, ke diakalenga dindi nadi.

⁷ Ndi ngela Maweja-Nangila tuasakidila, bualu udi undudika. Nansha butuku kondu ka munda kadi kambela.

⁸ Ndi mvuluka Maweja-Nangila diba dionsu. Tshiena mua kuteketa, bualu udi nanyi

⁹ Ke pandi nsanka, nsanguluka, nsomba talalaa, tshiyi ntshina.

¹⁰ Kuakunshiya mu kandondu ka bafue. Kuakuanyisha bua mbolele mu lukita.

¹¹ Udi undombola mu njila, bua mpete muoyi. Ndi nsanka bikole muaba uudi, diakalenga dianyi didi amu pabuipi nebe kashidi.