Misambu 130 - MUKANDA WA MYIDI MUKULU

Maweja-Nangila, ndi mu dikenga dinene

1 Musambu wa kena ngendu.

¹ Musambu wa kena ngendu. Maweja-Nangila, ndi mu dikenga dinene, ndi nkubila, ungambuluishe.

² Teleja lubila luanyi, pandi nkutendakena.

³ Maweja-Nangila, wewe mutangile bilema bietu, udi mua kupanda nnganyi?

⁴ Wewe udi ne luse, ke padi bantu bakunemeka.

⁵ Ndi mutekemene kudi Maweja-Nangila, ne muoyi wanyi mujima, muindile diandamuna diende.

⁶ Ndi mutekemene Maweja-Nangila, bipite bia mulami wa musoku, udi muindile bua butuku kutshiabu; eyowa, bipite bia mulami wa musoku udi muindile bua butuku kutshiabu.

⁷ Bena Izrayele, Tekemenayi Maweja-Nangila, bualu udi muimpe, udi mua kunusungidila mishindu yonsu.

⁸ Yeye ke udi mua kunusungidila ku bilema bienu bionsu.