Misambu 127 - MUKANDA WA MYIDI MUKULU

Padi Maweja-Nangila kayi muibake nzubu

1 Musambu wa bena ngendu udi mu mukanda wa misambu ya Shelomu.

¹ Musambu wa bena ngendu udi mu mukanda wa misambu ya Shelomu. Padi Maweja-Nangila kayi muibake nzubu, bibaki badi batata tshianana. Yeye kayi mulame tshimenga, balami badi batshisha tshianana.

² Nansha nuenu kabidi bajuka patshiatshia, bapitshisha diba dia kulala, baditatshisha bua kupeta tshiakudia tshienu, bidi tshianana. Maweja-Nangila udi utshipesha bantu bende, badiye munange patshidibu balale.

³ Bana, ke tshiuma tshilelela tshia bena nzubu, ndifutu didi Maweja-Nangila ubapesha!

⁴ Bana ba balume badi muntu mupete mu bunsongalume buende, badi bu mikete mu tshianza tshia tshilobu.

⁵ Muntu udi ne mikete eyi mu tshibubu tente, udi ne disanka! Yeye ulumbulula ne baluishi bende ku tshibuelelu tshia musoku, kabena mua kumufuisha bundu.