Misambu 122 - MUKANDA WA MYIDI MUKULU

Yerushalayime ikale ne bupole

1 Musambu wa bena ngendu udi mu mukanda wa misambu ya Davide.

¹ Musambu wa bena ngendu udi mu mukanda wa misambu ya Davide. Ndisanka kaayi, dingakumvua pavuabu bangambile ne: “Tuye mu nzubu mua Maweja-Nangila!”

² Yerushalayime, makasa etu mmafike ku nzubu kuebe.

³ Yerushalayime udi tshimenga tshiasa bimpe, tshijingila ne bimana.

⁴ Muebe ke mudi meku a Izrayele, meku a Maweja-Nangila afika bua kutumbisha Maweja-Nangila, bu mudi mukenji wa bena Izrayele wamba.

⁵ Muebe kabidi ke mudi nkuasa wa bumfumu, udi muana wa Davide usomba, bua kukosa nsambu.

⁶ Jingilayi Yerushalayime bupole ne: “Bantu bakunange wewe Yerushalayime, basombe talalaa!

⁷ Bupole buikale mu ditunga diebe, ne mu nzubu yebe!

⁸ Bua dinanga dindi, munange bana betu ne balunda banyi, ndi nkujingila bupole.

⁹ Bua dinanga dindi munange nzubu wa Maweja-Nangila Mvidi Mukulu wanyi, ndi nkujingila bupole.”