Misambu 12 - MUKANDA WA MYIDI MUKULU

Maweja-Nangila, utuepule kudi bantu babi

1 Musambu wa mu mukanda wa mulombodi wa bena misambu, wa

¹ Musambu wa mu mukanda wa mulombodi wa bena misambu, wa kuimba ne lunzenze lua nshinga muanda mukulu. Musambu wa mu mukanda wa misambu ya Davide.

² Maweja-Nangila, utuambuluishe! Tshianana, bantu bebe badi mua kujimina. Kamutshiena kabidi bantu ba nsongu.

³ Bantu bonsu badi amu bashimangana. Badi batua muntu makumbu, munda muabu bikale bamujana.

⁴ Maweja-Nangila, butula bena lubombu bonsu, puwisha badi baditemba, bamba ne:

⁵ “Tudi bamanye mua kuakula, bua tupete bionsu bitudi tujinga. Netuambe bionsu bitudi basue, katuyi tutshina muntu.”

⁶ Kadi Maweja-Nangila udi wamba ne: “Mpindiewu ndi mfika bua kuambuluisha bapele badibu bakengesha ne bena dikenga badi batua mikemu. Nempikule badibu badiombola.”

⁷ Tudi mua kutekemena bidi Maweja-Nangila wamba. Miaku yende idi milelela, idi bu tshiamu tshitoke tshia mushinga mukole tshiengulula misangu muanda mutekete.

^8-9 Maweja-Nangila, wewe ke udi ukumbaja biudi ulaya. Bantu badi bakubenga badi bendakana miaba yonsu, bubi budi buvulangana mu bantu. Kadi utuepule bua katubuelakanyi ne bantu babi aba.