Misambu 113 - MUKANDA WA MYIDI MUKULU

Maweja-Nangila udi ushintulula malu

¹ Tumbishayi Maweja-Nangila, Aleluya! Nuenu badi benzela Maweja-Nangila mudimu, tumbishayi Maweja-Nangila.

² Bantu bele Maweja-Nangila tuasakidila lelu too ne matuku onsu!

³ Kudi diba dipatukila ne kudidi dibuelela, bantu bonsu batumbishe Maweja-Nangila.

⁴ Maweja-Nangila udi ku mutu kua bisamba bionsu bia bantu, butumbi buende mbupite too ne diulu.

⁵ Udi bu Maweja-Nangila Mvidi Mukulu wetu, Yeye udi wasa mulu,

⁶ kadi, udi utangila panshi apa nnganyi? Kakuena muntu, nansha mu diulu, nansha pa buloba!

⁷ Udi ujula mupele uvua mudishinde panshi, udi ujula muena dikenga, uvuabu bimanshe mu dyala,

⁸ bua kumusombesha pamue, ne bakulu ba bantu bende.

⁹ Udi upesha mukaji udi kayi mulele nzubu, umupa disanka dia mamu wa bana. Tumbishayi Maweja-Nangila, Aleluya!