Misambu 110 - MUKANDA WA MYIDI MUKULU

Mukalenga muikale mutuangaji

1 Musambu wa mu mukanda wa misambu ya Davide.

¹ Musambu wa mu mukanda wa misambu ya Davide. Maweja-Nangila Mvidi Mukulu udi wambila mukalenga wanyi ne: “Somba ku dianyi dia balume, too ne pandi ngenza baluishi bebe tshidiatshilu tshia makasa ebe.

² Maweja-Nangila neafikishe bukokeshi buebe too ne kule, kubangila ku nzubu wa Mvidi Mukulu wa mu Siyone. Wewe ukokeshe baluishi badi bakunyungulukile.

³ Bantu badi bamanye mvita bikole badi baya nebe bua kukufila, dituku diudi usangisha bena mvita bebe. Bansongalume bebe badi bavue kuudi pa mikuna ya tshijila, bu mudi dima dipatuka pa kubundubundu.

⁴ Maweja-Nangila udi muditshipe, kena mua kuyila: “Wewe udi mutuangaji wa kashidi bu Melkisedeke.”

⁵ Maweja-Nangila udi ku diboku diebe dia balume. Neazaze bakalenga dituku dikalaye ne tshiji,

⁶ udi ulumbuluisha bisamba bia bantu, uwuje bibandabanda tente ne bitalu, uboza bamfumu mu ditunga dijima.

⁷ Mukalenge neanue mayi, ku musulu udi mu njila, ke padiye mujula mutu.