Dibadika 26 - MUKANDA WA MYIDI MUKULU

¹ Maweja-Nangila kutuma Moshe ne mutuangaji Elazare, muana wa Arone, ubambila ne:

² — Nubadike bantu balume bonsu ba bena Izrayele ku meku abu. Nubale bonsu badi ne bidimu bituadije ku makumi abidi, badi mua kuenza mudimu wa bena mvita.

³ Moshe ne Elazare kuya kudi bena Izrayele mu mpata ya Mowabe, ku muelelu wa musulu wa Yardene, dishiya dia Yeriko. Kubambilabu ne:

⁴ Maweja-Nangila mmututume bua kubadika bena Izrayele bonsu bakadi bakumbaja bidimu makumi abidi ne bisambuke. Bisamba bia bena Izrayele bivua bimuangale mu Ejipitu bivua nenku:

⁵ Tshisamba tshia Rubene, muanabute wa Yakobe, tshivua ne meku aa, avua afumina ku bana bende: diku dia bena Anoke, ndelanganyi ya Anoke; diku dia bena Palu, ndelanganyi ya Palu;

⁶ dia bena Esrone, ndelanganyi ya Esrone; dia bena Karmi, ndelanganyi ya Karmi.

⁷ Meku onsu a bena Rubene aa avua ne bantu balume 43.730.

⁸ Eliyabe, muana wa Palu,

⁹ uvua ne bana balume basatu: Nemuyele, Datane, ne Abirame. Datane ne Abirame, ke bakulu bavua batombokela Moshe ne Arone mu tshisangilu, pamue ne bena Kora, pavuabu babenga Maweja-Nangila.

¹⁰ Dituku adi, buloba kupandika, kubajibikila pamue ne Kora. Dituku adi bena Kora bonsu kubutuka. Kapia kuosha bantu bakuabu nkama ibidi ne makumi atanu. Bualu abu kushala tshivulukilu kudi bena Izrayele.

¹¹ Kadi bana ba Kora kabavua bafue musangu awu to.

¹² Tshisamba tshia Shimeyone tshivua ne meku aa: diku dia bena Nemuyele, ndelanganyi ya Nemuyele; dia bena Yamine, ndelanganyi ya Yamine; dia bena Yakine, ndelanganyi ya Yakine;

¹³ dia bena Zera, ndelanganyi ya Zera; ne dia bena Shawule, ndelanganyi ya Shawule.

¹⁴ Meku onsu a bena Shimeyone aa avua ne bantu balume 22.200.

¹⁵ Tshisamba tshia Ngade tshivua ne meku aa: diku dia bena Sefone, ndelanganyi ya Sefone; dia bena Agi, ndelanganyi ya Agi; dia bena Shuni, ndelanganyi ya Shuni,

¹⁶ dia bena Ozni, ndelanganyi ya Ozni; die bena Eri, ndelanganyi ya Eri;

¹⁷ dia bena Arode, ndelanganyi ya Arode; ne dia bena Areli, ndelanganyi ya Areli.

¹⁸ Meku onsu a bena Ngade aa avua ne bantu balume 40.500.

^19-21 Tshisamba tshia Yuda tshivua ne meku aa: diku dia bena Shela, ndelanganyi ya Shela; dia bena Perese, ndelanganyi ya Perese; dia bena Zera, ndelanganyi ya Zera. Kadi, bena Perese bavua basangisha kabidi diku dia bena Esrone, ndelanganyi ya Esrone; ne dia bena Amule, ndelanganyi ya Amule. Bana bakuabu ba Yuda babidi, Ere ne Onane, bavua bafuile mu ditunga dia Kenaane.

²² Meku onsu a bena Yuda aa avua ne bantu balume 76.500.

²³ Tshisamba thia Isakare tshivua ne meku aa: diku dia bena Tola, ndelanganyi ya Tola; dia bena Puwa, ndelanganyi ya Puwa;

²⁴ dia bena Yashube, ndelanganyi ya Yashube; dia bena Shimrone, ndelanganyi ya Shimrone.

²⁵ Meku onsu a bena Isakare aa avua ne bantu balume 64.300.

²⁶ Tshisamba tshia Zebulone tshivua ne meku aa: diku dia bena Serede, ndelanganyi ya Serede; dia bena Elone, ndelanganyi ya Elone; dia bena Yaleyele, ndelanganyi ya Yaleyele.

²⁷ Meku onsu a bena Zebulone aa avua ne bantu balume 60.500.

²⁸ Tshisamba tshia Menashe ne tshia Efrayime, ke ndelanganyi yonsu ya Yozefe.

²⁹ Kadi, tshisamba tshia Menashe tshivua ne meku aa: diku dia bena Makire, ndelanganyi ya Makire; ne dia bena Ngilaade, ndelanganyi ya Ngilaade, muana wa Makire.

³⁰ Bena Ngilaade bavua basangile kabidi ne meku aa: diku dia bena Iyezere, ndelanganyi ya bena Iyezere; dia bena Eleke, ndelanganyi ya Eleke;

³¹ dia bena Asriyele, ndelanganyi ya Asriyele; dia bena Shekeme, ndelanganyi ya Shekeme;

³² dia bena Shemida, ndelanganyi ya Shemida; ne dia bena Efere, ndelanganyi ya Efere.

³³ Selofade, muana wa Efere, kavua mulele muana wa balume to. Uvua amu ne bana ba bakaji batanu: Mala, Nowa, Ogla, Milka ne Tirsa.

³⁴ Meku onsu a bena Menashe aa avua ne bantu balume 52.700.

³⁵ Tshisamba tshia Efrayime tshivua ne meku aa: diku dia bena Shutela, ndelanganyi ya Shutela; dia bena Bekere, ndelanganyi ya Bekere; dia bena Takane, ndelanganyi ya Takane.

³⁶ Bena Erane ke ndelanganyi ya Erane, muana wa Shutela.

³⁷ Meku onsu a bena Efrayime avua ne bantu balume 32.500. Meku a bisamba ebi bibidi: tshia Menashe ne tshia Efrayime, ke ndelanganyi ya Yozefe.

³⁸ Tshisamba tshia Binyamine tshivua ne meku aa: diku dia bena Bela, ndelanganyi ya Bela; dia bena Ashebele, ndelanganyi ya Ashebele; dia bena Akirame, ndelanganyi ya Akirame;

³⁹ dia bena Shufame, ndelanganyi ya Shufame; ne dia bena Ufame, ndelanganyi ya Ufame.

⁴⁰ Bena diku dia Bela bavua basangisha kabidi meku aa: diku dia bena Arde, ndelanganyi ya Arde; ne dia bena Naamane, ndelanganyi ya Naamane.

⁴¹ Meku onsu a bena Binyamine aa avua ne bantu balume 45.600.

⁴² Tshisamba tshia Dane tshivua anu ne diku dimue dia bena Shuhame, ndelanganyi ya Shuhame.

⁴³ Diku edi divua ne bantu balume 64.400.

⁴⁴ Tshisamba tshia Ashere tshivua ne meku aa: diku dia bena Yimna, ndelanganyi ya Yimna; dia bena Ishevi, ndelanganyi ya Ishevi; dia bena Beriya, ndelanganyi ya Beriya.

⁴⁵ Bena Beriya bavua basangisha kabidi meku aa: diku dia bena Ebere, ndelanganyi ya Ebere; ne dia bena Malkiyele, ndelanganyi ya Malkiyele.

⁴⁶ Ashere uvua kabidi ne muana wa bakaji, dina diende Sera.

⁴⁷ Meku onsu a bena Ashere aa avua ne bantu balume 53.400.

⁴⁸ Tshisamba tshia bena Naftali tshivua ne meku aa: diku dia bena Yashiyele, ndelanganyi ya Yashiyele; dia bena Nguni, ndelanganyi ya Nguni;

⁴⁹ dia bena Yeshere, ndelanganyi ya Yeshere; dia bena Shileme, ndelanganyi ya Shileme.

⁵⁰ Meku onsu a bena Naftali aa avua ne bantu balume 45.400.

⁵¹ Bena Izrayele bonsu bavuabu babadike bavua bantu balume 601.730.

Tshisamba tshionsu tshidi tshipeta muaba wa kusomba

⁵² Maweja-Nangila kuambila Moshe ne:

⁵³ — Upeshe tshisamba tshionsu muaba wa kuasa, bilondeshile bungi bua bantu.

⁵⁴ Bantu nebapete muaba wa kuasa, bilondeshile bungi buabu. Tshisamba tshinene netshipete muaba munene, tshikese muaba mukese.

⁵⁵ Kadi, nansha biobi bikale nanku, utshinke bua kujadika muaba udi tshisamba tshionsu mua kupeta.

⁵⁶ Neutshinke amu kutshinka bua kumanya muaba udi tshisamba tshinene nansha tshikese mua kupeta.

Dibadika dibidi dia bena Levi

⁵⁷ Bisamba bia bena Levi bivuabu babadike, bivua ne meku aa: diku dia bena Ngershone, ndelanganyi ya Ngershone; dia bena Kekate, ndelanganyi ya Kekate; dia bena Merari, ndelanganyi ya Merari.

⁵⁸ Meku aa avua kabidi ne biota ebi: tshiota tshia bena Libni, tshia bena Ebrone, tshia bena Mali, tshia bena Mushi ne tshia bena Kora. Kekate ke uvua tatuende wa Amrame.

⁵⁹ Amrame uvua musele Yokebede, muana wa Levi, mulelela mu Ejipitu. Mukaji ewu uvua mulelele Amrame bana basatu: Arone, Moshe ne Miriyame.

⁶⁰ Arone uvua ne bana ba balume banayi: Nadabe, Abiku, Elazare ne Itamare.

⁶¹ Kadi Nadabe ne Abiku bafuile, bualu bavua balambula Maweja-Nangila mulambu wa musenga wa kamonya kauyi wa tshijila to.

⁶² Bantu balume bonsu, too ne bana ba ngondu umue ne pa mutu, bavua 23.000. Bena Levi aba, kabavua bababadike pamue ne bena Izrayele bakuabu bonsu to, bualu kabavua ne bua kupeta muaba wabu wa kuasa mu ditunga to.

Nkomenu wa Dibadika

⁶³ Bena Izrayele bonsu aba, ke bavua Moshe ne mutuangaji Elazare babadike mu mpata ya Mowabe ivua ku muelelu wa musulu wa Yardene, mitangilangane ne Yeriko.

⁶⁴ Ku bena Izrayele bonsu, bavua Moshe ne Arone babadike mu tshipela tshia Sinayi, kakuvua kushala muntu ne muoyi to.

⁶⁵ Bualu Maweja-Nangila uvua mumane kubamanyisha ne: nenuluile bonsu mu tshipela. Amu Kalebe, muana wa Yefune, ne Yoshuwa, muana wa Nune, ke bavua bashale ne muoyi.